အဘဘိုးဘိုးအောင်

ဘိုးဘိုးအောင် ဘိုးဘိုးအောင်သည် ကုန်းဘောင်ခေတ် ဦးပိုင်း နှစ်ပေါင်း နှစ်ရာကျော်ခန့်က ပထမံအတတ်နှင့် ထွက်ရပ်ပေါက်သူဖြစ်သည် ဟုဆို၏။ ဘိုးဘိုးအောင်တွင် ငယ်သူငယ်ချင်း တစ်ယောက်ရှိသည်။ အမည်က ဦးဝိုင်း ဖြစ်သည်။ တတိယ မြန်မာနိုင်ငံအား ထူထောင်သူ အလောင်းဘုရား ဦးအောင်ဇေယျ၏ စတုတ္ထသားတော် ဘိုးတော်ဦးဝိုင်း(ဘိုးတော်ဘုရား) ဖြစ်သည်။ ပထမံ ဘိုးဘိုးအောင်သည် ဝ တလုံးက နှစ် လုံးဖြစ်အောင် တတ်နိုင်ရုံမက ဘယ်လိုမှ သတ်၍ မသေဟုဖေါ်ပြကြသည်။ဘိုးဘိုးအောင်သည်မသင့်သောအကြံအစည်ကြံစည်ကြောင်းသံသယရှိသဖြင့်ဘိုးတော်ဦးဝိုင်း(ဗဒုံမင်း)ကကွပ်မျက်သော်လည်း မသေဟု ဆို၏။ ဘိုးဘိုးအောင်သည်ပထမံဘိုးဘိုးအောင်ပင်ဖြစ်သည်။ ပထမံထွက်ရပ်ဂိုဏ်းကြီ၏ အကြီးအကဲခေါင်ချုပ်ပင်ဖြစ်သည်။ ပထမံဂိုဏ်းဆိုသည်မှာလည်း မြန်မာရာဇဝင်တွင် ဘိုးတော်ဦးဝိုင်းအုပ်စိုးစဉ် အချိန်က အလွန်အစွမ်းထက်သည့် ပထမံဘိုးဘိုးအောင် ပေါ်ပေါက်သည့်အချိန်မှစ၍ ပေါက်လာခဲ့ခြင်း ဖြစ်ပေသည်။ ဘိုးဘိုးအောင်သီချင်းများ ဘိုးဘိုးအောင်ကိုတင်စားသော တေးသီချင်းများ ပေါ်ပေါက်လာသည်အထိ မြန်မာတို့အကြား ဘိုးဘိုးအောင်၏ ဩဇာကြီးမားခဲ့သည်။ ဗုဒ္ဓဘာသာဝင်မြန်မာလူမျိုးတို့သည် ရတနာသုံးပါးတို့ကိုသာ အထွဋ်အမြတ်ထား၊ ကိုးကွယ်ဆည်းကပ်လေ့ရှိတတ်ကြသော်လည်း လူအများက ပထမံဘိုးဘိုးအောင်အား လူကြီးမိဘဆရာသခင်တစ်ဦးကဲ့သို့ ရိုသေလေးစားအားကိုးမှု ရှိကြသည်ဟု ဆိုသည်။ ဘိုးတော်ဦးဝိုင်းသည် ဘိုးဘိုးအောင်ကိုသာမက နန်းတက်စတွင် ထီးနန်းအန္တရာယ်ကြောင့် မြန်မာ့သမိုင်းတွင်ထင်ရှားသော မြန်မာစစ်သူကြီးဝန်ကြီး မဟာသီဟသူရ စသောမင်းဆွေမင်းမျိုး မှူးမတ်မှုထမ်းကောင်း အမြောက်အများတို့ကိုသံသယရှိသဖြင့်ပြိုင်ဘက်ဟုယူဆသံသယရှိသဖြင့်ကွပ်မျက်သုတ်သင်ခဲ့သည်။ဘိုးဘိုးအောင်သည်ငယ်သူငယ်ချင်းဖြစ်သူဘိုးတော်ဦးဝိုင်း(ဗဒုံမင်း)အား...လူသတ်မှုမကောင်းမှုအကုလိုလ်များကိုကျူးလွန်ခြင်းတို့မှ ရှောင်ကြဉ်ရန်(စွန့်ရန်) နှင့် ကုလိုလ်ကောင်းမှုပြုခြင်း၏တည်ရာ အကျင့်ဆယ်ပါး(ပုညကြိယဝတ္ထု ဆယ်ပါး)၊ ဗုဒ္ဓဘာသာဝင်များစောင့်ထိန်းအပ်သောကိုယ်ကျင့်တရားများ၊ မင်းကျင့်တရား (၁၀)ပါးကို နားလည်ရန် သိရန် လိုက်နာကျင့်ကြံရန်ဆုံးမတော်မူ၏။ ...ဒေါသသည် အဖျက်ဆီးတတ်ဆုံးသောတရားဖြစ်၏၊ မြွေပွေးမြွေဟောက်နှင့်တူ၏၊ ဒေါသနှင့်သေသူ၏လားရာဂတိမှာ

ငရဲပြည်ဖြစ်သည်...စသဖြင့်ဆုံးမတော်မူခဲ့လေ၏။ဘိုးဘိုးအောင်ကိုအကြောင်းပြု၍ဘိုးတော်ဦးဝိုင်း(ဗဒုံမင်း)သည်ဗုဒ္ဓဘာသာသာသနာရေးဘက်၌အထူးဂရုပြုကာဆောင်ရွက်တော်မူလေ၏။ ပြိုကျပျက်စီးသောထင်ရှားသည့် ဘုရားစေတီတော် များကိုလည်း အသစ်တည်၍ ရွှေထီးထွတ်တင် လှူတော်မူသည်။ အနောက်အိန္ဒိယ မဇ္ဈိမ ဒေသ တိုင်းကြီးရပ်ရပ်သို့လည်း မှူးမတ်အရာရှိတို့ကို ပညာ တော်သင်အဖြစ် အကြိမ်ကြိမ် စေလွှတ်၍ လောကီလောကုတ္တရာ ကျမ်းများ၊ ဆေးကျမ်း၊ ဓာတ်ကျမ်း၊ ဗေဒင်ကျမ်း၊ အကျင့် သိက္ခာနှင့် စပ်သောကျမ်းစသည်ဖြင့် နာဂရီ၊ သက္ကတ ဘာသာတို့ဖြင့် ရေးသားထားသော ကျမ်းပေါင်း ၁ဝဝ ကျော်ကို ရှာဖွေ စုဆောင်းပြီးလျှင် မြန်မာဘာသာ ပြန်ဆို စေသည်။ နိုင်ငံတော်အတွင်း အရက်သေစာသောက်စားခြင်း၊ သားကြီး ငါးကြီးတို့ကို သတ်ဖြတ်ရောင်းချခြင်းတို့ကို တားမြစ်တော်မူသည်။ စစ်ကိုင်း အိမ် တော်ရာရှိ အောင်မြင်လောက စေတီတော်၊ ဧရာဝတီမြစ်၏ အနောက်ဘက်ရှိ မင်းကွန်းစေတီတော်တို့သည် ဘိုးတော်ဘုရား ၏ ကောင်းမှုတော်များ ဖြစ်သည်။ မင်းကွန်းစေတီတော်ကြီးမှာ အထုထည် ကြီးမားလွန်းရကား ပြီးဆုံးသည့်တိုင်အောင် မတည်ဆောက်နိုင် ဖြစ်ခဲ့ရသည်။ မင်းကွန်းစေတီ အနီး၌ပင် ပိဿာ ၅၅၅၅၅ ခန့်(မင်းဖြူမှန်မှန်ပြော) အချိန်ရှိသော မင်းကွန်းခေါင်းလောင်းတော်ကြီး ကိုလည်း ဘိုးတော်ဘုရားက သွန်းလုပ် လှူဒါန်းတော်မူသည်။ တိုင်းပြည်ဝပြောစည်ပင်၍ စာပေနှင့် သာသနာရေး ထွန်းပြောင်ခဲ့လေသည်။ သာယာဝတီမင်း သည်ပုန်ကန်ရန် ကြံစည်သည်ဟု စကြာမင်းသားလေး ကိုသံသယရှိသဖြင့်ရေချကွပ်မျက်ခဲ့သော်လည်းပထမံဘိုးဘိုးအောင် ကယ်တင်သဖြင့် မသေ ဟုဆို၏။ ညောင်ရမ်းမင်းသား(စကြာမင်းသား)၏ ကယ်တင်ရှင်အဖြစ် ပထမံဘိုးဘိုးအောင် ကိုယုံကြည်ကြသည်။ဘိုးတော်ဘုရား (ဘိုးတော်ဦးဝိုင်း)၏ မြစ်တော် စကြာမင်းသားသည် ဘိုးမင်းခေါင်၏ဘဝဟောင်းပုံရိပ်ဖြစ်သည်ဟုဆိုသည်။ ကိုးကား Champions of Buddhism: Weikza Cults in Contemporary Burma - Kate Crosby, Patrick Pranke, Juliane Schober, Niklas Foxeus, Keiko Tosa, Thomas Patton, Celine Coderey, Steven Coll... https://journals.ub.uni-heidelberg.de/index.php/jiabs/article/viewFile/9290/3151 မြန်မာ့စွယ်စုံကျမ်း၊ အတွဲ(၈) မှန်နန်း ရာဇဝင် ၁၊ ၁၉၆၃၊ ပိုဒ် ၅၃၊ ၆၈ Kate Crosby, Patrick Pranke, Juliane Schober, Niklas Foxeus, Keiko Tosa, Thomas Patton, Celine Coderey, Steven Collins (May 14, 2014). Champions of Buddhism: Weikza Cults in Contemporary Burma. NUS Press. Champions of Buddhism: Weikza Cults in Contemporary Burma - Kate Crosby, Patrick Pranke, Juliane Schober, Niklas Foxeus, Keiko Tosa, Thomas Patton, Celine Coderey, Steven Coll... (၁၃၁၄ ခု၊ နတ်တော်လဆန်း ၅ ရက်နေ့) ဝိဇ္ဇာဓိုရ် အောင်မင်းခေါင်၏ ထွက်ရပ်ပေါက်ရာဇဝင် အတ္ထုပ္ပတ္တိ. အမှတ် ၁၇၊ ဗဟန်း ၃ လမ်း၊ ရန်ကုန်မြို့: မိဘမေတ္တာပုံနှိပ်တိုက်. (ဇူလိုင်လ ၂၀၁၃) ပါရမီလမ်းပြ အဘဘိုးမင်းခေါင် မဟိဒ္ဓိဂုဏ်ဆောင် ဖြစ်ရပ်ဆန်းများ. အမှတ် ၂၂၊ မဟာဇေယျလမ်း၊ ပုဇွန်တောင်မြို့နယ်၊ ရန်ကုန်မြို့: ကံ့ကော်ဝတ်ရည်စာပေ, ၁၁-၂၈.

အဘဘိုးမင်းခေါင်

ဘိုးမင်းခေါင် ဘိုးမင်းခေါင် (ခ) အောင်မင်းခေါင် အဘဘိုးမင်းခေါင်သည်မြန်မာနိုင်ငံတွင်နှစ်ပေါင်းများစွာကာလမှစ၍ယနေ့တိုင်လွန်စွာထင်ရှားသောသာသနာပြုဘိုးတော်တစ်ပါးဖြစ်သည်။ ၁၉၅၂ ခုနှစ်ခန့်တွင် ပုပ္ပါးတောင်ပေါ်နှင့် အနီးအနားဒေသများတွင် သီတင်းသုံးနေထိုင်လေ့ရှိသည်။ပထမံဘိုးဘိုးအောင်ကဲ့သို့ပင်အလျင်းသင့်သလိုဒုက္ခရောက်နေသူများအားကူညီစောင့်ရှောက်လေ့ရှိသည်။မကောင်းသူကိုပယ်ကောင်းသူကိုကယ်တတ်သည်။စိတ်ထားကောင်းမွန်သူ၊ရိုးသားဖြောင့်မတ်သူများကိုအထူးကူညီစောင့်ရှောက်လေ့ရှိသည်။ဘိုးတော်အောင်မင်းခေါင်ဟူ၍လည်း တစ်ချို့က ခေါ်ကြသည်။ ရတနာသုံးပါး၏ဂုဏ်ကျေးဇူးကို အထူးယုံကြည်လေးစားဦးထိပ်ပန်ဆင်သူတစ်ဦး ဖြစ်သည်။ ဗုဒ္ဓသာသနာတည်တံ့ပြန့်ပွားရေးအတွက် တတ်စွမ်းသ၍ အထူးကူညီပံ့ပိုးခဲ့သော ဘိုးတော်ဖြစ်သည်။ စကားပြောရာတွင်ရှင်းရှင်းနှင့်ပြတ်ပြတ်ပြောတတ်သည်။တစ်ဘဝကဥက္ကလာပမင်းကြီးဖြစ်ခဲ့ဖူးသည်ဟုဆိုသည်။ အဘဘိုးမင်းခေါင်သည် ရွှေတိဂုံဘုရားဒကာ ဥက္ကလာပမင်းကြီးဖြစ်သည့်ဘဝတွင် ဆန်စက်ပိုင်ရှင် ဦးဘဦးသည် ဥက္ကလာပမင်းကြီး၏ သားတော် မင်းနန္ဒာမင်းသားဖြစ်ခဲ့သည်။ ရှင်မွေ့နွန်း နှင့် မင်းနန္ဒာ ဇာတ်လမ်းနှင့်စပ်လျဉ်း၍ မြန်မာပြည်သူများ ရင်းနှီးသိကျွမ်းပြီးသားဖြစ်သည်။ အနေအထိုင်ရိုးသားသည်။ တိုက်ပုံ၊ စွပ်ကျယ် နှင့် ပုဆိုးကွက်တို့ကို ဝတ်ဆင်လေ့ရှိသည်။ ဆန်စက်ပိုင်ရှင် ဥက္ကလာဦးဘုရားဒကာ ဦးဘဦးနှင့် ဇနီး ဆန်စက်ပိုင်ရှင် ဒေါ်တင်လှ မိသားစုအား သူ၏ဓာတ်ပုံကို ပထမဦးဆုံးရိုက်ကူးခွင့်၊ ယင်းဘိုးမင်းခေါင်ဓာတ်ပုံများအား မြန်မာနိုင်ငံတစ်ဝန်းလုံးသို့ လှူဒါန်းခွင့်ပြုခဲ့သည့်အပြင် အဘ၏ဆံပင်များကိုလည်း ဦးဘဦး+ဒေါ်တင်လှ မိသားစုသို့ ပေးအပ်ခဲ့သည်ဟု မြို့မ-မြင့်ကြွယ်က အထောက်အထားများနှင့်တကွ မှတ်ချက်ပြုခဲ့သည်။ (အဘ ဘိုးမင်းခေါင်၏ ခွင့်ပြုသော ဦးဘဦး၏ ကင်မရာ နက္ကတစ်၌သာ အဘ၏ ဓာတ်ပုံကို ထင်စေပြီး ထိုစဉ်က ပုပ္ပါးတောင်ပေါ်တွင်ရှိသော၊ ဓာတ်ပုံရိုက်ကူးသော အခြားဘုရားဖူးများ၏ ကင်မရာ နက္ကတစ် တွင်မူ အဘ၏ပုံ ထင်ပေါ်ခြင်း မရှိသည်ကို ဦးဘဦး၏သမီးဖြစ်သူ ယောဂီ ဒေါ်အမာ (ခ) ဒေါ်မြင့်မြင့်ဝင်းက ကိုယ်တွေ့ပြောပြခဲ့ပါသည်။) တစ်နိုင်ငံလုံးသို့ ဦးဘဦး+ဒေါ်တင်လှလှူဒါန်းခဲ့သောအဘဘိုးမင်းခေါင်၏များစွာသောဓာတ်ပုံများအနက် ရန်ကုန်မြို့၊ ဘားလမ်းနေ ဗိုလ်မှူးသိန်းထွန်းအိမ်တွင် ၃ ပေ x ၄ ပေ အရွယ်ရှိ အဘဘိုးမင်းခေါင်ပုံသည် ယနေ့တိုင် မြင်တွေ့နိုင်ပါသည်။ဗုဒ္ဓဘာသာဝင် မြန်မာလူမျိုးများအကြား ဘိုးမင်းခေါင်သည် အလွန်ထင်ရှားသူဖြစ်ပေသည်။ဘိုးတော်မယ်တော်(သို့တည်းမဟုတ်)ဝိဇ္ဇာများကိုယုံကြည်ကိုးကွယ်သူများအနေဖြင့် ဘိုးမင်းခေါင် သည် အလွန်အရေးပါသော ထွက်ရပ်ပေါက်ဘိုးတော်တပါးဖြစ်သည့်ပြင် အလွန်တန်ခိုးကြီးသည်ဟု ယုံကြည်နေကြသည်။ ဘိုးမင်းခေါင်နှင့်ပတ်သက်သည့် သက်သေအထောက်အထားများကလည်း အထင်အရှားရှိနေသည်က ယင်းတို့ယုံကြည်မှုကို ပိုမိုခိုင်မြဲစေ၏။ရန်ကုန်မြို့ ဝင်ဒါမီယာရပ်ရှိ ဗောဓိကုန်းတွင် ဗောဓိကုန်းစေတီတော်မြတ်ရှိသည်။ ထိုစေတီတော်အတွင်းတွင် ဘိုးမင်းခေါင်အိပ်ခဲ့သော သလွန်၊ ဘိုးမင်းခေါင်အသုံးပြုခဲ့သော ရေနွေးပန်းကန်များနှင့် အခြားအသုံးအဆောင်များက ယခုတိုင်ရှိနေသေးသည်။ ဘိုးမင်းခေါင်သည် ထိုနေရာမှပင် ထွက်ရပ်ပေါက်ခဲ့သည်ဟု ယုံကြည်ကြ၏။ ထိုမျှမက ထင်ရှားသော ပုပ္ပားတောင်တော်တွင်လည်း ဘိုးမင်းခေါင်နေထိုင်သွားသည့် နေရာအမှတ်အသားများရှိနေပေသည်။ အမှန်စင်စစ်ဘိုးမင်းခေါင်သည်ပထမံထွက်ရပ်ဂိုဏ်းကြီ၏အကြီးအကဲခေါင်ချုပ်ပထမံဘိုးမင်းခေါင်ပင်ဖြစ်သည်။ ပထမံဂိုဏ်းဆိုသည်မှာလည်း မြန်မာရာဇဝင်တွင် ဘိုးတော်ဦးဝိုင်းအုပ်စိုးစဉ် အချိန်က အလွန်အစွမ်းထက်သည့် ပထမံဘိုးဘိုးအောင် ပေါ်ပေါက်သည့်အချိန်မှစ၍ ပေါက်လာခဲ့ခြင်း ဖြစ်ပေသည်။ ဘိုးဘိုးအောင်သီချင်းများ ဘိုးဘိုးအောင်ကိုတင်စားသော တေးသီချင်းများ ပေါ်ပေါက်လာသည်အထိ မြန်မာတို့အကြား ဘိုးဘိုးအောင်က ဩဇာကြီးမားခဲ့သည်။ ဗုဒ္ဓဘာသာဝင်မြန်မာလူမျိုးတို့သည် ရတနာသုံးပါးတို့ကိုသာ အထွဋ်အမြတ်ထား၊ ကိုးကွယ်ဆည်းကပ်လေ့ရှိတတ်ကြသော်လည်း ဘိုးဘိုးအောင်မရှိသည့်(ထွက်ရပ်ပေါက်ပြီးသည့်) နောက် နှစ်အတန်ကြာတွင် ဘိုးမင်းခေါင်က ဘိုးဘိုးအောင်နေရာတွင် ဝင်ရောက်လာပြီး ဘိုးဘိုးအောင်ကဲ့သို့ပင် လူအများက ဘိုးမင်းခေါင်အား လူကြီးမိဘဆရာသခင်တစ်ဦးကဲ့သို့ ရိုသေလေးစားအားကိုးမှု ရှိကြသည်ဟုဆိုသည်။ ရတနာသုံးပါးနှင့် တစ်တန်းတည်းထားပြီး ကိုးကွယ်ဆည်းကပ်ခြင်းမဟုတ်ပါ။ အဘဘိုးမင်းခေါင်၏ ပုံတော်များ၊ ရုပ်တုများကို ရွှေတိဂုံဘုရားစသော မြန်မာပြည်အနှံ့ ထင်ရှားသော တန်ခိုးကြီးဘုရားများ၊ ထင်ရှားသော စေတီပုထိုးများ၌ တွေ့မြင်နိုင်ပါသည်။ လွန်ခဲ့သော နှစ်ပေါင်း ၂၆၀ဝ ကျော် (ဘီစီ ၅၈၈ ခန့်က) ဗုဒ္ဓဂေါတမမြတ်စွာဘုရားသက်တော်ထင်ရှားရှိစဉ်က 'အဇိတ' အမည်ရှိ အညတရ ရဟန်းငယ်တစ်ပါးသည်လည်းကောင်း၊ နောင်အခါ ထို အဇိတ ရဟန်းသည် သင်္ကန်းဝတ်မှ ရသေ့ဝတ်သို့ပြောင်းကာ တောထွက်တော်မူခဲ့သော ရှင်ရသေ့ကြီး 'ဒိဗ္ဗစက္ခု'သည်လည်းကောင်း၊ ရွှေတိဂုံဘုရားဒါယကာ သိကြားမင်း နှင့်မယ်တော်မယ်လမုတို့၏သားတော် ဥက္ကလာပမင်းကြီးသည်လည်းကောင်း၊ ပုဂံခေတ်ဦး ရှင်အရဟံသည်လည်းကောင်း၊ မွန်ဘုရင်မကြီး ရှင်စောပု၏ သမက်တော်-ပဲခူး (ဟံသာဝတီ) မွန်ဘုရင် ဓမ္မစေတီမင်းသည်လည်းကောင်း၊ အလောင်းဘုရား ဦးအောင်ဇေယျ၏ သားတော်-ဘိုးတော်ဘုရား (ဘိုးတော်ဦးဝိုင်း)၏ မြစ်၊ ဘကြီးတော်ဘုရား၏သားတော် စကြာမင်းသားသည်လည်းကောင်း ဘိုးမင်းခေါင်၏ဘဝဟောင်းပုံရိပ်များ ဖြစ်ကြသည်ဟုဆိုသည်။ ** အဘအောင်မင်းခေါင် (ဘိုးမင်းခေါင်)၏ ဆုံးမစာ ပျက်စီးတိုင်းလျှင် မပူပင်နှင့် - မပျက်စီးကာ ခိုင်မြဲပါက ဘယ်မှာ "အနိစ္စ" ရှိမည်နည်း ။ ဆင်းရဲကြုံမူ မညည်းညူ နှင့်- ချမ်းသာချည်းသာ ကြုံနေပါက - ဘယ်မှာ "ဒုက္ခ" ရှိမည်နည်း ။ လုပ်တိုင်းမဖြစ် စိတ်မညစ်နှင့် - ကိုယ်လုပ်တိုင်းသာ ဖြစ်နေပါက- ဘယ်မှာ "အနတ္တ" ရှိမည်နည်း ။ ပြောတိုင်းမရ ဒေါမထနှင့် - ကိုယ်ပြောတိုင်းသာ ရနေပါက- ဘယ်မှာ "အနတ္တ" ရှိမည်နည်း ။ ကြံတိုင်း မပေါက် စိတ်မဖေါက်နှင့် - သင် ကြံတိုင်းသာ ပြီးမြောက်ပါက - ဘယ်မှာ "အနတ္တ" ရှိမည်နည်း ။ အာရုံဟူသမျှ မတောင့်တနှင့် - အာရုံတိုင်းသာ တောင့်တပါက - ဘယ်မှာ "လောဘ" ဆုံးမည်နည်း ။ အရာရာမျိုး စိတ်မဆိုးနှင့် နေရာတိုင်းသာ စိတ်ဆိုးပါက - ဘယ်မှာ "ဒေါသ" ဆုံးမည်နည်း ။ သိဉာဏ် မလိုက် သင်မမိုက်နှင့် သိဉာဏ်မရ မိုက်နေပါက - ဘယ်မှာ "မောဟ" ဆုံးမည်နည်း ။ “ဗုဒ္ဓတရား“ မေ့မထားနှင့် ဆုံးမတိုင်းသာ ကျင့်ကြံပါက ဘယ်မှာ "နိဗ္ဗာန်" ဝေးမည်နည်း ။ [၁၀] ကိုးကား pages 174 to180 Real Buddhism & Weizzas - REAL BUDDHISM The Passing of Sayadaw U Thila Wunta – Derek's Dharma Blog Dharma Fellowship: Sayadaw U Thila Wunta (၂၀၁၄ ခုနှစ် ဖေဖော်ဝါရီလ) မူလ ဥက္ကလာဦးစေတီအကြောင်း သိကောင်းစရာများ, အတွဲ (၁၄) အမှတ် (၂), သူရဇ္ဇမဂ္ဂဇင်း, ၂၇၂ -၂၇၅။ ဘိုးမင်းခေါင်ဆိုသည်မှာ .... (၁၃၁၄ ခု၊ နတ်တော်လဆန်း ၅ ရက်နေ့) ဝိဇ္ဇာဓိုရ် အောင်မင်းခေါင်၏ ထွက်ရပ်ပေါက်ရာဇဝင် အတ္ထုပ္ပတ္တိ. အမှတ် ၁၇၊ ဗဟန်း ၃ လမ်း၊ ရန်ကုန်မြို့: မိဘမေတ္တာပုံနှိပ်တိုက်။ (ဇူလိုင်လ ၂၀၁၃) ပါရမီလမ်းပြ အဘဘိုးမင်းခေါင် မဟိဒ္ဓိဂုဏ်ဆောင် ဖြစ်ရပ်ဆန်းများ. အမှတ် ၂၂၊ မဟာဇေယျလမ်း၊ ပုဇွန်တောင်မြို့နယ်၊ ရန်ကုန်မြို့: ကံ့ကော်ဝတ်ရည်စာပေ, ၁၁-၂၈။ Buddhist Backgrounds of the Burmese Revolution - Manuel Sarkisyanz - Google Books အဘအောင်မင်းခေါင် (ဘိုးမင်းခေါင်) ၏ ဆုံးမစာ

ဇော (၇)ကြိမ် အကျိုးပေးပုံ

ဇော (၇)ကြိမ် အကျိုးပေးပုံ အားလုံးသော ယောဂီသူတော်စင်အပေါင်းနှင့် သံသရာဆွေတော်မျိုးတော် ညီအကိုမောင်နှမ အပေါင်းတို့ ...မိမိတို့ အကုသိုလ်စိတ် တစ်စိတ်ပေါ်တိုင်း ပေါ်တိုင်း ဇော(၇) ကြိမ်ပေါ်ရတယ် ဆိုတာမှတ်ထားပါ ။ဒီ အကုသိုလ် စိတ်တွေဟာ မိမိ ရဲ့ပစ္စုပ္ပန်နဲ့သံသရာနှစ်ဖြာအကျိုးကိုများစွာသောဝဋ် ဒုက္ခဘေး များ အဖြစ် ချက်ချင်း လက်ငင်း အကျိုးပေးပါတယ် ။ ခုလို ဆုတ်ခေတ်ကာလမှာဆိုဒိဋ္ဌဓမ္မဝေ ဒနိယကံ အဖြစ်နဲ့ ချက်ချင်း ဘဝ မကူး...၊နောက်ဘဝမှမဟုတ်ပဲ..ဒီဘက်ဘဝမှာတင်အကျိုးပေးပါတယ် ။ဇော(၇) ကြိမ် ဘယ်လိုပေါ်ပါလိမ့်မတုန်း ဆိုတော့...........လောဘစိတ် ပဲဖြစ်ဖြစ်ဒေါသစိတ် ပဲဖြစ်ဖြစ် မောဟစိတ် ပဲဖြစ်ဖြစ်ဝိစိကိစ္စာစိတ် ပဲဖြစ်ဖြစ်ပျံ့လွင့်စိတ် ပဲဖြစ်ဖြစ်သူတစ်ပါး အသက် သတ်ချင်တဲ့စိတ် ပဲဖြစ်ဖြစ်..သူတစ်ပါးလည်လှီးသတ်တဲ့စိတ်ပဲဖြစ်ဖြစ်..သူတစ်ပါးဥစ္စာငါ့ဟာဖြစ်စေလိုတဲ့စိတ်ဖြစ်ဖြစ်..သူတစ်ပါးသားမယားလင်သမီးပျိုစော်ကားစိတ်ပဲဖြစ်ဖြစ်စသည်အားဖြင့်ပေါ့........။(မိမိတို့ရင်ထဲကအကုသိုလ် စိတ် တစ်စိတ်ပေါ်တိုင်း-ပေါ်တိုင်း ဇောခုနစ်ကြိမ်ဖြစ်ပါတယ် ) မကောင်းတဲ့စိတ်ပေါ်-ပေါ် ၊ ကောင်းတဲ့ ကုသိုလ်စိတ်ပေါ်-ပေါ် ဝိပဿနာဖြစ်ပျက်မြင်တဲ့ မဂ် ပဲပေါ်ပေါ်ပါ ။ စိတ် တစ်ချက်ပေါ်တိုင်းမှာ ဇောခုနစ်ကြိမ် ပါပြီးသားလို့ မှတ်ပါ ။မိမိတုိ့ အကုသိုလ် တစ်ခါပြုရင် ဇောခုနစ်ကြိမ်တောင်ဖြစ်ပါပေါ့လားလို့ သိကြပါ ။ ဒါဆို သဘောပေါက်လောက်ရောပေါ့ ။ ..အကျိုးပေးကို ရှင်းပြပေးပါမည် ပထမအကုသိုလ်စိတ်ကလေးထဲမှာ စေတနာလဲပါတယ် ။လုပ်ချင်တဲ့စိတ်ကလေးပါတယ် ။ ဒါကြောင့် လုပ်ဖြစ်အောင်လုပ်တယ် ။ဒီထဲမှာပါတဲ့စေတနာက ဒီဘဝ အကျိုးပေးရမယ်လို့ မှတ်ထားပါ ။ ဒီဘဝဘယ်အချိန်ကစလို့ အကျိုးပေးမလဲလို့မေးလာရင်ဖြင့် မိမိအကုသိုလ်စိတ်ပေါ်တဲ့အချိန်ကစပြီး ခုပေါ်ရင်ခုချိန်ကစပြီး ... ခုနစ်ရက်အတွင်း..ခုနစ်လအတွင်း ....ခုနစ်နှစ်အတွင်း.....အကျိုးပေးနိုင်စွမ်းတဲ့ သူ့စွမ်းရည်သတ္တိအကျိုးပေးပုံကို ကန့်သတ်တဲ့ရက်လို့ သဘောကျနားလည်ကြပါ ။ ဒါကြောင့် ဘုရား ၊ ရဟန္တာ ၊ အရိယာ သူတော်ကောင်းကြီးတွေကမွေးကတည်းကစိတ်နဲ့နေပုထုဇဉ်အန္ဓ ၊ ပုထုဇဉ်ဗာလတွေကို အလွန် သနားတော်မူကြတာပေါ့ ။ အမေမွေး ၊ အဖေမွေး ၊ သာမန်သာမည စိတ်ကလေးနဲ့နေ ဒီစိတ်နဲ့သာသေ ဒီဘက်ခေတ်မှာဆို သဲအင်းဆရာတော်ကြီးက နတ်ဂတိ ၊ လူ့ကတိမှာဆယ်သိန်းသေလို့တစ်ယောက်သုဂတိဘုံပြန်တယ်လို့ မမြင်ဘူးဆိုပြီးရဲရဲကြီးမိန့်ထားတာပေါ့။ဘာလို့လဲဆိုတော့ဇော(၇)ကြိမ်ထဲကပထမဇောကဦးဆုံးပထမဒီဘဝချက်ချင်းအကျိုးပေးရတာဆိုတော့သူတော်ကောင်းကြီးတွေ....အကုန်အစင်သိမြင်တော်မူတဲ့ဘုရားရှင်တို့က ဟောနိုင်ပြောနိုင်တာပေါ့ ။မိမိတို့ ကုသိုလ်ဇောပြုတဲ့အချိန် (ဝိပဿနာဖြစ်ပျက်မြင်အောင် အားထုတ်နိုင်ကြတဲ့ ဇောအကြိမ်)နဲ့ အကုသိုလ်စိတ်နဲ့နေကြတဲ့ဇောအကြိမ် အဘယ်ကများလဲ .... ဖြေကြည့်ပါလား ....တစ်ခဏ တစ်အောင့်လောက် စဉ်းစားပြီးတော့ပေါ့ .... ။ အဖြေကရှင်းပါတယ်....။တစ်နေကုန်အောင်ကုသိုလ်စိတ်နဲ့မနေနိုင်ပါဘူးပေါ့...။တစ်နေကုန်အောင်ဖြစ်ပျက်မဂ်ကိုက်အောင်မပေါ်ဘူးပါဘူးဆိုတဲ့အဖြေပဲထွက်လာကြပါလိမ့်မယ်။ဒါပေမယ့်ဖြစ်ပျက်မဂ်ကိုက်နေအောင်ပေါ်တဲ့ဇောများများပေါ်လေလေထိုသူအတွက်တော့စိတ်အေးရပြီမှတ်ကြပါ။လူအတော်များများကိုပြန်ကြည့်ကြပါ..တစ်ကမ္ဘာလုံးပေါ့။ဝိပဿနာဖြစ်ပျက်မြင်စိတ်နဲ့နေတဲ့သူနဲ့အကုသိုလ်စိတ်နဲ့နေတဲ့သူ အဘယ်သူကများသလဲပေါ့ ... ။ ဘုရားလက်မလက်သည်းပေါ်ကမြေမှုန့်နဲ့ ဟောဒီ .....ကမ္ဘာမြေထုလောက် ကွာဟနေမှာအမှန်ပါ ။ ဒါလောက်သဘောပေါက်ကြရင်ဖြင့်တို့ဘုရားရှင်ရဲ့ဥာဏ်တော်ကိုအလွန်အတိုင်းထက်အလွန်ကြည်ညိုစိတ်ဖြစ်နေမှာ တစ်ကယ်ပါ ။ နီပေါလိုနိုင်ငံကြီးမကြာသေးသောကာလမှာယစ်နတ်ပူဇော်ကြတာကိုပမာပုံပြုလို့ပဲဥပမာ...ပေးပါရစေ.......။ဒါ မဝေးသေးသော ကာလတစ်ခုရဲ့သက်သေတစ်ခုပါ .. ။ဒီအပြုတွေ အမူအကျင့်တွေ လုပ်ကြတဲ့မြို့ ရွာဒေသတိုင်းပြည်များမှာ အမြဲ ကပ်ဘေး ၊ သေခြင်းဆိုးဘေး ၊ ရန်သူမျိုးငါးပါးဘေး ၊ သဘာဝဘေး စစ်ဘေးလူအချင်းချင်းအသေခံသတ်ဖြတ်တဲ့ဘေး၊လူကိုလူလို့မမြင်ကြတော့ပဲ..သားကောင်လို့မြင်လာကြတဲ့ဘေး ၊ အနာရောဂါဆန်းကြီး နဲ့ကြုံကြရတဲ့ဘေး ..........စသည် စသည့် ဘေးဆိုးကြီး အကုသိုလ်စိတ် အကျိုးပေးကြီးတွေ ကို မျက်ဝါးထင်ထင် မမြင်ချင်၊မကြားချင်မှအဆုံး နေ့စဉ်လိုလို ၊ လစဉ်လိုလို ၊ နှစ်စဉ်လိုလို ကြားနေကြရတာတွေဟာ ..ဒါဘယ်သူ့လက်ချက်လဲလို့ မမေးကြပါနဲ့ ...။ မေးလာရင်လဲ အဖြေကရှိနှင့်ပြီးသားပါ ။ဒီကမ္ဘာပေါ်မှာရှိသမျှ လူသားအားလုံးတို့ရဲ့ အကုသိုလ်စိတ်တို့ရဲ့ ပထမဇောတွေပါပဲ ။ ဒီအကုသိုလ် ပထမဇောဟာ ယခုလက်ရှိလက်တွေ့ဘဝမှာ လက်ငင်းအကျိုးပေးတာ ခံကြရတယ်နော် ။ လူကပ်တွေပြောချင်စရာတွေတော့ရှိတယ် ။ ဒို့ဒီဘဝကောင်းအောင် ဒီလောက်နေနေတာ ဘာလို့အသေ ဆိုးနဲ့သေကြရတာလဲ မေးဖို့မကောင်းလား ... ။ဒီဇော (၇) ကြိမ်တရားသာ သဘောတွေ့ နားလည်နေရင် ဒီမေးခွန်းတွေ ရပ်သွားပါလိမ့်မယ် ။ ပထမဇောက ခုဘဝချက်ချင်း ခုနစ်ရက်အတွင်း ၊ ခုနစ်လအတွင်း ၊ ခုနစ်နှစ်အတွင်းမှာ အကျိုးပေးမယ်လို့မှတ်ထားပါ ။ သတ္တမဇောက ခုဘဝပြီး ဒုတိယဘဝကနေစပြီး အကျိုးပေးခံစားရမယ်လို့ နားလည်ထားကြပါ ။ အလယ်ဇောငါးချက်ကတော့ ...တတိယဘဝကနေစပြီး ..ဘုရား ၊ ရဟန္တာဖြစ်တဲ့နောက်ဆုံးဘဝအထိ အရိပ်ပမာထပ်ကြပ်မခွါ(ဝဋ်ကြွေးကံလို့သာ မှတ်ပါ )။ နောက်ဆုံးဘဝထိအောင် ဆပ်ပြီးမှ သေပေးရတဲ့ကံပါ ။ ဒါ လူတိုင်း မလွတ်နိုင်တဲ့ကံ ရှောင်ပုန်းမရတဲ့ကံတွေပါ ။ဒါဆိုခုဒီဘဝမှာ ကောင်းအောင်နေပြီး အသေဆိုးနဲ့သေ ...လည်လှီးခံရပြီးသေနေကြတွေ မီးလောင်ခံပြီးသေနေကြတာတွေ ကိုယ့်ကိုယ်ကို သေကြောင်းကြံပြီးသေနေကြတာတွေအစုလိုက်အပြုံလိုက်သေနေကြတာတွေ...စတဲ့အသေဆိုးနဲ့သေနေကြတာတွေဟာမိမိတို့ရဲ့အတိတ်အတိတ်ကအကုသိုလ်ဇောတွေဖြစ်တဲ့သတ္တမဇောနဲ့အလယ်ဇောငါးချက် လို့သာ မှတ်ကြပါတော့ ။ ဒါဖြင့်ယခုဘဝမှာအမျိုးမျိုးအဖုံဖုံသောရောဂါတွေကြောက်ကြရ၊ကပ်ဘေးတွေအမျိုးမျိုးကြောက်ကြရ.....စစ်ဘေးတွေ၊သူခိုးဘေးတွေ၊ဓါးပြဘေးတွေ၊သူပုန်ဘေးတွေမင်းအမှုထမ်းယုတ်ဘေးတွေ၊လူမျိုးယုတ်ဘေးတွေ ..... အဖုံဖုံကြောက်မနေကြရဘူးလား ...။ အေး....ဒါတစ်ခြားမတွေးနဲ့ ..ဒါ..မိမိတို့ရဲ့ဘဝဘဝတွေများစွာကပြုခဲ့တဲ့လုပ်ခဲ့ကြတဲ့အကုသိုလ်ဇောတွေ အကျိုးပေးဖို့ ကိုယ်နောက်က ကိုယ့်နားကိုကပ်ပါလာတယ် ။အကျိုးပေးတော့မယ်ဆိုတာ ကြပ်ကြပ် သတိထားကြပါ ။ ဒီဘေးဆိုတာမျိုးဟာ မိမိတို့နောက်ဆုံးဘဝထိ အကျိုးပေးဖို့ စောင့်နေဦးမယ်ဆိုတာ မှတ်ထားကြပါ ။ ဒီဘေးကလွတ်ချင်တယ်ဆို ဝိပဿနာအလုပ် သန်သန် ၊ ထွားထွားကြီး လုပ်ကြပါ ။ ဖြစ်ပျက် ရှုပါ-ရှုပါ မှာနေတာ....ဒါကသာမိမိတို့ကိုဒီသံသရာဘေးကပ်ဘေးခန္ဓဝဋ်ဒုက္ခဘေးကြီးမှလွတ်ကင်းကြပြီးသကာလ မသေရာမြဲနေ နိဗ္ဗာန်ကိုရောက်ကြမှာ ဧကန်မလွဲပါ ။ဒါကြောင့် မိမိတို့အားကိုးရာအစစ်သည် ဝိပဿနာမဂ် ဖြစ်ပျက်မြင်တဲ့မဂ်သာ အားကိုးရာဟု တိုက်တွန်းပါရစေ......။ ━━━━━━━━━━━━━━━━━ မိုးကုတ်ဆရာတော်ကြီး တရားတော်မှပြန်လည်ကောက်နုတ်တင်ပြရခြင်းဖြစ်ပါသည်။

(၂၄)ပစ္စည်း၊ဘုရား၊တရား၊သံဃာဂုဏ်တော်အဓိဌာန်နှင်သကြားမင်းဂါထာတော်ကြီး

ဂုဏ်တော်တစ်ဆယ့်သုံးပါးဘုရားရှိခိုး(၀ါ)ငွေဝင်ဂါထာ(၀ါ)ဆန္ဒပြည့်ဂါထာတော်

ဒိဝါတိပတိဂါထာတော်နှင့်သဗ္ဗမင်္ဂလာဂါထာတော်

ကျေးဇူးတော်ရှင်ရွှေပေါ်ကျွန်းဆရာတော်ကြီး၏မေတ္တာပို့

ြ

ကျောက်ဆည်မြိ့၏ပုဂံပြည့်ရှင် အနုရုဒ္ဓါရဲ့ ဆင်လှူပွဲတော် ငါပြုတော်မူသော ကုသိုလ်စေတီတော်တို့အား တစ်နှစ်တစ်ကြိမ် ဆွမ်းကပ်လှူဒါန်းကြစေ မမေ့မလျှော့ ဆွမ်းတော်ကြီးကပ်လှူကြသော သူတို့သည် စပါးဆန်ရေ ကောက်ပဲသီးနှံဖွံ့ဖြိုး တိုးတက်ချမ်းသာပါစေ။ မေ့လျှော့ပေါ့ဆသူတို့သည် ဆန်ကောနှင့် ကောက်ဆွသာ ကျန်ရှိပါစေ။ ငါ့အား အမျှအတန်းပေးဝေကြသကဲ့သို့ စွယ်တော်မြတ်တင်သောဆင်ဖြူ (ဆင်မယဉ်သာ) ကိုလည်း သတိတရ ဆင်ဆယ်မျိုးတို့၏ အရုပ်တို့ဖြင့် ဆွမ်းတော်ကြီးကပ်ပွဲတွင် ထည့်ဝင်လှူဒါန်းပြီး ဆင်ဖြူ (ဆင်မယဉ်သာ) အား အမျှပေးဝေကြစေ။ အနုရုဒ္ဓါ အို . . . . အရှင်အနုရုဒ္ဓါ သင်၏သစ္စတရားတို့သည်ကား ငါတို့နှလုံးသားဝယ် ယနေ့ထိတိုင် စီးဆင်း သင်းပျံ့စဲ ပါတကား။ ပုဂံပြည့်ရှင်အနော်ရထာမင်းကြီးက ရှင်အရဟံရဲ့ လမ်းညွှန်မှုနဲ့အတူ သီဟိုရ်ပြည် ဓာတုသေနမင်းထံကနေ မြတ်စွာဘုရားရဲ့ လက်ဝဲအောက်စွယ်တော်ပွားကိုပင့်ဆောင်တော်မူခဲ့တယ်။ ပင့်တဲ့အခါမှာ ဆင်မယဉ်သာ(ဆင်ဖြူ )ပေါ်ကိုတင်ပြီးအဓိဌာန်ပြုပြီးတော့ လွှတ်တော်မူလိုက်တယ်။ အဲ့ဒီဆင်မယဉ်သာက ပထမဆုံးရွှေစည်းခုံ ပစ္စယာသုံးဆင့်မှာ ဝပ်တော်မူတယ်။ အဲ့ဒီနေရာမှာ မင်းကြီးက စေတီတစ်ဆူတည်တော်မူလိုက်တယ်။ မင်းကြီးက စွယ်တော်ပွားကို စေတီမှာဌာပနာမထည့်သွင်းခင် အဓိဌာန်ပြုပြီး ထပ်မံပွားတော်မူလိုက်တယ်။ ဆင်မယဉ်သာက ပွားလာတဲ့ စွယ်တော်ပွားကို ပင့်ဆောင်ပြီး တန်ကြည်တောင်ပေါ်ကိုတက်ပြီးဝပ်တယ်။ မင်းကြီးလည်း တန့်ကြည်တောင်မှာ စေတီတစ်ဆူ ထပ်ပြီးတည်တော်မူပြန်တယ်။ အနော်ရထာမင်းကြီးက စွယ်တော်ပွားကို ဌာပနာ မထည့်သွင်းခင် အရင်ကလို ထပ်မံအဓိဌာန်ပြုပြီး စွယ်တော်ကိုပွားယူလိုက်ပြီး လောကနန္ဒာဆိပ်ကမ်းမှာ တစ်ဆူ၊ တူရွင်းတောင်မှာတစ်ဆူ နဲ့ စွယ်တော်လေးဆူကို ပုဂံဒေသမှာကိန်းဝပ်ပူဇော်နိုင်ခဲ့တယ်။ ဒီအကြောင်းအရာက အများသိပြီးဖြစ်တဲ့ ပုဂံပြည်က စွယ်တော်မြတ်လေးဆူအကြောင်းပါ။ အနော်ရထာမင်းကြီးက လေးဆူမြောက်စွယ်တော်ကို တည်တော်မူပြီးတဲ့အခါ ရှေးကလိုပဲ အဓိဌာန်ပြုပြီး စွယ်တော်ကို ပွားခဲ့ပြန်ပါတယ်။ဆင်မယဉ်သာပေါ်ကို စွယ်တော်ပွားကို တင်တော်မူပြီး ထပ်မံပင့်ဆောင်ခဲ့တယ်။ ဆင်မယဉ်သာက ပုဂံကနေမှ ကျောက်ဆည်နယ်ဘက်ကို မရပ်မနားခရီးနှင်လာပြီး ကျောက်ဆည်ရွှေသာလျောင်းတောင်ပေါ်ကို တက်လာခဲ့တယ်။ နောက် ချက်ခြင်းပြန်ဆင်းခဲ့ပြီး ကျောက်ဆည်ရဲ့အရှေ့တောင်ဘက်မှာရှိတဲ့ တောင်တန်းတွေပေါ်ကို တက်ရောက်ခဲ့ပြန်တယ်။ ပထမတက်ရောက်ခဲ့တဲ့တောင်မှာ စွယ်တော်ပွား ပြက်တော်မူခဲ့ပြီး ဒုတိယတက်တဲ့တောင်ပေါ်မှာ စွယ်တော်ပွားဟာ ကြွေကျသွားတော်မူပါတယ်။ အဲ့ဒီတောင်နှစ်တောင်ဟာ ပြက်တောင် ကြွေတောင်လို့ အမည်တွင်ခဲ့ပြီး ယခုအခါမှာတော့ ပြက်ခရွေတောင်ဆိုပြီး ခေါ်ဆိုကြပါတယ်။ အနော်ရထာမင်းကြီးက ကျောက်ဆည်သာလျောင်းတောင်ပေါ်ရောက်တဲ့အခိုက်မှာ တောင်ပေါ်ကနေ အရှေ့ဘက် အနောက်ဘက် တောင်ဘက် မြောက်ဘက်တွေကို ကြည့်တော်မူတယ်။ ကြည့်လေရာ မြင်လေရာ သစ်ရိပ်ဝါးရိပ်တွေ တောင်စွယ်တောင်တန်းတွေ လွင်ပြင်ကျယ်ကြီးတွေက မြစ်ချောင်းတွေက သူ့ရင်ကိုဖမ်းစားသွားတယ်။ ဒီနေရာမှာ စိုက်ပျိုးရေး အကြီးကြီးလုပ်လိုက်ရင် ပေါက္ကံရွှေမြို့တော်ကြီးရဲ့ စားနပ်ရိက္ခာအတွက် မပူပင် မကြောင့်ကျရတော့ဘူးဆိုတာကို သူသိမြင်တော်မူသွားတယ်။ အဲ့ဒီမှာ အထက်မြန်မာပြည်ရဲ့ စားပါးကျီတစ်ခုကို ဖန်တီးဖို့ အရှင်အနုရုဒ္ဓါဟာ ဆည်တွေ တမံတွေတည်ဆောက်လိုက်တယ်။ မြစ်တွေချောင်းတွေ ဖောက်လိုက်တယ်။ ပြီးတော့ ရေတွင်းရေကန်တွေ တူးဖော်ပေးခဲ့တယ်။ တကယ်ဘုန်းတန်ခိုးကြီးမြတ်တဲ့မင်းတွေဟာ စစ်ရေးစစ်ရာမှာထူးချွန်ထက်မြတ်သလို နိုင်ငံတော်တည်ဆောက်ရေးမှာလည်း တကယ့်ကို အလန်းဇယားခင်းပြနိုင်တယ်။ ပုဂံကိုတည်လိုက်တယ်။ အဲ့ဒီ ပုဂံရဲ့ စားနပ်ရိက္ခာ အသက်သွေးကြောကို ကျောက်ဆည် ဖြစ်စေခဲ့တယ်။ သမိုင်းဆရာ တစ်ချို့တွေပြောတာ မှတ်သားဖူးတယ်။ ပုဂံက အနော်ရထာရဲ့ မိဘုရားကြီးဆိုရင် ကျောက်ဆည်က မိဘုရားငယ်ပဲတဲ့။ အဲ့ဒီလိုဖြစ်လောက်အောင်လည်း အနော်ရထာမင်းကြီးက ပုဂံမှာစိုးစံစဉ်ကာလအတွင်း တိုင်းရေးပြည်ရာ ရှိတဲ့အချိန်တွေကလွဲရင် ကျောက်ဆည်နယ်ဖက်မှာ ခြေစကြာ ဖြန့်တော်မူနေခဲ့တယ်။ လှည်းဝင်ရိုးသံ တညံညံ ပုဂံဘုရားပေါင်းဆိုတဲ့ အရေအတွက်ထက်ပိုတဲ့ စေတီပုထိုးတွေကို လယ်တွင်းကိုးခရိုင်နေရာအနှံ့အပြားမှာ တည်တော်မူခဲ့တယ်။ ပုဂံနဲ့ ကျောက်ဆည်ဆိုတာ သူ့အဖို့ အိမ်ဦးနဲ့ကြမ်းပြင်လို လူးလားခေါက်တုံ စုန်ချည် ဆန်ချည် ကူးသန်းခဲ့တယ်။ ရေမြေကောင်းတဲ့ လည်တွင်းကိုးခရိုင်ဟာ ဆန်ရေစပါး ကောက်ပဲသီးနှံ့ကြွယ်ဝပြီး မြန်မာပြည်ရဲ့ စပါးကျီလို့ တစ်စားခေါ်ဝေါ်ခြင်းခံခဲ့ရတယ်။ ဒါဟာ အရှင်အနုရုဒ္ဓါ ရဲ့ ကျေးဇူးတော်တရားတွေပဲဆိုတာ ဘယ်သူမှမငြင်းဆိုနိုင်ဘူး။ ဇော်ဂျီမြစ် ပန်းလောင်မြစ် စမုံမြစ် ဒုထ္ထဝတီမြစ်တို့ တို့ဟာ ခုချိန်ထိ ဒေသတစ်ခုလုံးရဲ့ အသက်သွေးကြောအဖြစ်နဲ့ ဆက်လက်စီးဆင်းနေခဲ့တယ်။ အနော်ရထာမင်းကြီးက ကျောက်ဆည်နယ်သူနယ်သားတွေကို သီတင်းကျွတ်လပြည့်နေ့မှာ သူတည်ထားကိုးကွယ်တော်မူတဲ့ စေတီတော်ကို ဆွမ်းတော်ကြီးကပ်လှူပူဇော်စေပြီး ဆင်မယဉ်သာကို အမှတ်တရရှိစေဖို့အတွက် ဘုရားမှာ မုန့်ဆင်ရုပ်လေးတွေပြုလုပ်ပြီး လှူဒါန်းပူဇော်စေခဲ့တယ်။ ကျောက်ဆည်ကိုးခရိုင်နယ်ကိုလည်း ဆန်ရေ စပါး ကောက်ပဲသီးနှံ ပေါကြွယ်ဝစေဖို့အတွက်လည်း ဆည်မြောင်း ချောင်းကန် ရေကန်တွေကိုလည်း တူးဖော်ပေးခဲ့တယ်။ တနယ်လုံးကို စပါးရွှေဝါခြုံလွှမ်းစေခဲ့တယ်။ '' ငါ့ကျေးဇူးအားမမေ့မလျော့သောအားဖြင့် ငါတည်ထားကိုး ကွယ်တော်မူသော စေတီတော်မြတ်၌ နှစ်စဉ်မပြတ် ဆွမ်းတော်ကြီးလောင်းလှူပူဇော်၍ အမျှအတန်းဝေလော့ ထိုသို့မပြတ်ပြုလုပ်ပါက ဆန်ရေစပါး ကောက်ပဲသီးနှံ ပေါကြွယ်ဝ၍ မေ့လျော့ပါက ဘေးအန္တရယ်ကပ်ကျရောက်စေ'' ဆိုပြီး မိန့်တော်မူခဲ့တယ်လို့ဆိုကြတယ်။ အဲ့ဒီလိုသစ္စာပြုမှုတွေရဲ့ သမိုင်းပုံရိပ်တွေက ယုံကြည်ခြင်း ချစ်မြတ်နိုးခြင်း တန်ဖိုးထားလေးစားခြင်း ကိုးကွယ်ဆည်းကပ် သစ္စာစောင့်သိခြင်းတွေနဲ့ ယက်ဖောက်ပြီး မင်းကြီးရဲ့ ဆန္ဒတော်အတိုင်း လယ်ယာ သီးနှံပေါ်ပြီးတဲ့အချိန်၊ မိုးလေကင်းလွတ် သီတင်းကျွတ်တဲ့အချိန် ဘုရားမှာ ဆွမ်းတော်ကြီးကပ်လှူပူဇော်ပြီး မင်းကြီးကို နှစ်စဉ်မပြတ် ဆုတောင်းမေတ္တာပို့ အမျှပေးဝေကြတယ်။ မင်းကြီးမှာတော်မူတဲ့အတိုင်း မုန့်ဖြူမုန့်နီတွေနဲ့ ဆင်ရုပ်လေးတွေပြုလုပ်လှူဒါန်းပြီး ဆင်မယဉ်သာကိုလည်း မေတ္တာပို့ အမျှပေးဝေကြတာ ဒီနေ့အထိဖြစ်တည်ခိုင်ခံတည်မြဲနေတဲ့ ယုံကြည်မှုအလေ့အထတစ်ခုဖြစ်တယ်။ ဒီနယ်မြေမှာ လွန်ခဲ့တဲ့ နှစ်ပေါင်း တစ်ထောင်လောက်ကတည်းက ဆင်တွေပျော်ခဲ့ကြတာ။ ရှေးမင်းအဆက်ဆက် ဆင်ဖြူရှာပုံတော်ဖွင့်ရင် ဒီနယ်မြေကို အရောက်လာရှာကြရတယ်။ မြို့လေးရဲ့ အရှေ့မြောက်အရပ်နေရာမှာ ဟိုးတုန်းက ဆင်တောင့်အင်း( ယခု သင်တောင်း) ဆိုတာရှိခဲ့ဖူးတယ်။ ဆင်တွေက အဲ့ဒီအင်းနားရောက်လာတဲ့အခါမှာ အင်းကိုဦးခိုက်ပြီးမှ သွားလိုရာကိုဆက်သွားကြသတဲ့။ ဆင်တွေများလွန်းလို့ အဲ့ဒီအင်းမှာ ဆင်တွေတောင့်တောင့်သွားတယ်။ ဒါကိုအကြောင်းပြုပြီး ဆင်တောင့်အင်းလို့ ခေါ်ခဲ့ကြတယ်။ အဲ့ဒီနေရာနဲ့မနီးမဝေးမှာ ဥတေနမင်းကို မွေးဖွားခဲ့တဲ့ မင်းမွေးတောင်ဆိုတာ ခုထိရှိနေတယ်။ ဥတေနက ဆင်တွေကို နိုင်နင်းတဲ့ အစွမ်းထက်တဲ့ ဂါထာကို သိကြားမင်းက ပေးထားတယ်ဆိုကြတယ်။ သူခေါ်ရင် ဆင်တွေက ရောက်တဲ့အရပ်ကနေ အပြေးအလွှားလာရောက်ပြီး ဦးညွတ်ရသတဲ့။ ဆင်တွေကိုနိုင်နင်းတဲ့ ဥတေနမင်းကို တိုင်တည်ပြီး ဆင်ပြိုင်ပွဲမှာ ဥတေနမင်းကို ပင့်ဖိတ်တဲ့ နတ်ပင့်အကတောင် ထည့်သွင်းယှဉ်ပြိုင်ကြရတယ်။ ''ဆင်များသခင် ဥတေသျှင်ကို ပွဲယဉ်ပါလို့ ကူညီဝိုင်းလို့ မှိုင်းမစေချင် ဆဒ္ဒန် ဟတ္တိ နာဂိန် ဒေဝိန်သခင် ဘိုးတော်သိကြားပေးတဲ့ ဒီဆင် '' အစချီတဲ့ နတ်ချင်းကို ထည့်သွင်းယှဉ်ပြိုင်စေတယ်။ ဒါက ဥတေနမင်းကို လမိုင်းတင်တာလို့လည်းဆိုကြတယ်။ ဒီနယ်တစ်ဝိုက်မှာ ဒဏ္ဍာရီလာ ဆင် ၁၀ မျိုးလုံး ကျက်စားနေထိုင်ခဲ့ကြဖူးတယ်။ ဆက္ကဒန္တလို့ခေါ်တဲ့ ဆဒ္ဒန်ဆင်းမင်းရဲ့ အနွယ်တော်တွေလည်း ဒီနေရာမှာ နေထိုင်ခဲ့ဖူးကြတယ်။ ငါးစီးရှင်ကျော်စွာရဲ့ သန်မြန်စွာ ဘွဲ့တော်ရ ဆင်ဖြူတော်က ပြက်တောင်ခြေရင်းက၊ ဥပေါသထ ဘွဲ့တော်ရ ဆင်ဖြူတော်က စမုန်ဖျားက ရခဲ့တာလို့ သမိုင်းစာမျက်နှာတွေပေါ်မှာမှတ်သားဖူးတယ်။ သီတင်းကျွတ်လပြည့်နေ့မှာ အနော်ရထာမင်းမြတ်ကိုရည်စူးပြီး ဆပ်ကပ်လောင်းလှူတဲ့ ဆွမ်းတော်ကြီးကပ်ပွဲကို ရွှေသာလျောင်းတောင်ပေါ်မှာ နှစ်စဉ်ကျင်းပလာခဲ့တာ နှစ်ပေါင်းရာကျော်သွားခဲ့ပြီ။ လပြည့်နေ့မနက် အရုဏ် တက်မှာ ဆွမ်းကပ်ဖို့အတွက် အဖိတ်နေ့ကတည်းက မြို့သူ မြို့သားတွေဟာ ကျောက်ဆည်တောင်ပေါ်ကိုတက်ကြတယ်။ အဲ့ဒီလို တက်ကြတဲ့အခါမှာ စွယ်တော်ပင့်ဆောင်လာတဲ့ ဆင်မယဉ်သာအတွက် ရည်စူးလှူဒါန်းမယ့် မုန့်နီ မုန့်ညိုတွေလည်းပါတယ်။ ဆင်မယဉ်သာအတွက် ရည်စူးတဲ့ အဲ့ဒီမုန့်နီမုန့်ညိုတွေကို မုန့်ဆင်ပုံစံလေးတွေလုပ်ပြီး လှူဒါန်းရာကနေ ဆင်လှူပွဲ ဓလေ့စရိုက် စခဲ့တယ်လို့ ဆိုကြတယ်။ မုန့်ဆင်ရုပ်လေးတွေ လုပ်ရာကနေ စက္ကူ ဆင်ရုပ်တွေလုပ်ပြီး ဘုရားမှာလှူဒါန်းလာကြတယ်။ သီတင်းကျွတ်လဆန်း ၁၄ ရက်မှာ ဆင်ရုပ်လေးတွေကိုကိုင်ပြီး တောင်ပေါ်ကိုတက်ကြတယ်။ နောက်ရက်လပြည့်နေ့မှာ ရွှေဆင်ရုပ် ငွေဆင်ရုပ်လေးတွေကို ဘုရားမှာလှူကြတယ်။ အဲ့ဒီအချိန်ခါကနေအစပျိုးကတဲ့ ချစ်စရာဓလေ့လေးက ဒီကနေ့ ကျွန်တော်တို့နှလုံးသားတွေထိ လက်ဆင့်ကမ်းကိန်းအောင်းလာခဲ့တယ်။ လှလိုက်တဲ့ ရိုးရာအမွေ။ ကမ္ဘာမှာ မြန်မာ။ မြန်မာမှာ ကျောက်ဆည်တစ်မြို့ထဲရှိတဲ့ဓလေ့ ကျွန်တော်တို့ ဂုဏ်ယူလိုက်ရတာရင်တစ်ခုလုံး ပီတိတွေ အပြိုင်းအရိုင်းပွင့်ဖူးလွန့်လူးလို့။ ၁၂၃၂ ရောက်တော့ ထမ်းဆင်ဆိုတာပေါ်လာတယ်။ ထမ်းဆင်ဆိုတာ ဝပ်နေတဲ့ ဆင်ပုံသဏ္ဍန် အရုပ်ချိုးပြီး အဲ့ဒီအရုပ်ကို ထမ်းပင့်ပြီးမလို့ရအောင် ဆင်ရုပ်ရဲ့အောက်ကနေ ဝါးဘိုးဝါး နှစ်ခေါင်းကို ဘယ်ညာတပ်ဆင်ထားတယ်။ လူတွေက အဲ့ဒီ ဝါးလုံးကနေမပြီး ဆင်ကိုထမ်းရတယ်။ အဲ့ဒီဆင်ရုပ်ရဲ့ကျောပေါ်မှာ ပုလ္လင်တင်ထားပြီး ပုလ္လင်ပေါ်မှာဆွမ်းတော်ကြီးကပ်လှူပူဇော်မယ့် သစ်သီးတွေ မုန့်တွေထည့်ထားတယ်။ အဲ့ဒီထမ်းဆင်ကနေစတာပဲ ကမ္ဘာမှာ သမိုင်းတွင်မယ့် ကျောက်ဆည်ဆင်ဆိုတာ။ ဆရာမောင်ရည်စိုး ကျောက်ဆည်ရဲ့ မြန်မာ့ဆင်ရုပ်ချိုးအနုပညာဆိုတဲ့ စာပေဗိမာန်ဆုရ စာအုပ်ထဲမှာ ကျောက်ဆည်ဆင်ရုပ်ကို ဆရာငယ် ကစပြီး ပြုလုပ်ခဲ့တာလို့ မှတ်သားခဲ့ဖူးတယ်။ ဆရာငယ်က ကျောက်ဆည်မြို့ ဆူးကုန်းရပ်က မဏ္ဍပ်ဆရာကြီးပါ။ သူကထမ်းဆင်ကို စတင်တီထွင်ခဲ့တယ်။ အဲ့ဒီထမ်းဆင်ကနေ မြေနင်းဆိုတာဖြစ်ဖို့အကြောင်းကဖန်လာပြန်တယ်။ အစက ထမ်းဆင်ကိုထမ်းပြီး သီတင်းကျွတ်အဖိတ်နေ့မှာ အိုးစည် ဒိုးပတ်တွေနဲ့ တီးမှုတ်ကခုန်ပြီး တောင်ပေါ်ကိုတောင်တက်လမ်းအတိုင်းတက်ကြတယ်။ ဖြစ်ချင်တော့ ရသေ့ကြီး ဦးခန္တီက ၁၂၇၈မှာ တောင်တက်လမ်းလျှောက်ကို အမိုးစောင်းတန်းလုပ်ပြီးလှူဒါန်းလိုက်တယ်လို့ ဆရာကြီးဦးငြိမ်းမောင် ကျောက်ဆည်ရဲ့ ရွှေမုဌော ရွှေသာလျောင်း ကျောက်ဆည်ဆင်လှူပွဲ သမိုင်းစာအုပ်ထဲမှာ ဖော်ပြထားတယ်။ အဲ့ဒီမှာ ထမ်းဆင်ထမ်းပြီးတောင်ပေါ်ကိုတက်ဖို့ ဆင်ရုပ်နဲ့ စောင်းတန်းကအမိုးနဲ့ မလွတ်တော့ဘူးဖြစ်သွားတယ်။ ဒါနဲ့ ဆရာငယ်က လူဝင်လို့ရတဲ့ မြေနင်းဆင်ရုပ်ကို ထွင်ပေးခဲ့တယ်။ ဆရာငယ်ဆင်ရုပ်ချိုးပညာကို လက်ဆင့်ကမ်း အမွေဆက်ခံခဲ့ကြတာက ဦးဘဧ၊ သား ဦးအောင်ကြွယ်၊ ဦးဘသင်၊ သား ဦးကျော်လေး၊ ဦးသိုက်ထွန်း၊ ဦးမှဲ့လေး ဆိုတဲ့ ဆရာကြီးတွေပါ။ အခုဆို အချို့လည်းမရှိကြတော့ဘူး တိမ်းပါးသွားကြပြီ။ အချို့ကတော့ ခုထိသက်ရှိထင်ရှားနဲ့ ကန်တော့ခံအရွယ်ကိုရောက်နေကြပြီ။ ဒီကနေ့မှာတော့ မျိုးဆက်သစ် ဆင်ချိုးပညာရှင်တွေ အမြောက်အများပေါ်ထွက်လာခဲ့ကြပြီ။ လူငယ်တွေရဲ့ တီထွင်ဆန်းသစ်မှုတွေကပိုပြီး ဆင်အလှကို ပသာဒဂုဏ်မြောက်စေခဲ့ပြီ။ ဆင်ရုပ်ကို ဝါးနဲ့ရုပ်လုံးပေါ်အောင်ချိုးကြရတယ်။ ပြီးမှ အပေါ်ကနေ စက္ကူကပ် ဆေးခြယ်လုပ်ရတယ်။ ဒါက ဆင်ရဲ့ကိုယ်ထည်အကြမ်းပေါ့။ နောက်မှ ကိုယ်ချိုးမယ့်ဆင်အမျိုးအစားပေါ်မူတည်ပြီး အရိုင်းဆင်လား ရိုးရာဆင်လား ဘော်ကြယ်ဆင်လားဆိုတဲ့ပေါ်မူတည်ပြီး ဆင်ကို ကိုယ်ကြိုက်တဲ့အမျိုးအစားဖြစ်အောင်ဖန်တီးကြရတယ်။ အရိုင်းဆင်ဆိုတာက မြေနင်းဆင် စပြီးဖြစ်ပေါ်ခါစက ဘာအလှအပမှ ခြယ်သမထားတဲ့ သက်ရှိဆင်တွေနဲ့ ပုံစံတူတဲ့ ဆင်အမဲကြီးတွေ။ ကျွန်တော်ငယ်ငယ်က အဲ့ဒီဆင်မဲ ဆင်ရိုင်းကြီးတွေ လာပြီဆိုတအားကြောက်တာ။ ကံဦးရပ်ထဲက မသိဘူးမူးနေတယ် ဆိုတဲ့ဆင် ဆို အကြောက်ဆုံးပဲ။ ဆင်ရဲ့အစွယ်ကြီးတွေက အာဖရိကက မန်မက်ဆင်လို ရှည်ရှည်ကောက်ကောက်ကြီးတွေ။ တကိုယ်လုံးနက်မှောင်ပြီး မျက်လုံးက နီနီရဲရဲကြီး ငယ်ငယ်က အဲ့ဒီဆင်လာပြီဆို ပြေးတော့တာပဲ။ ခု တစ်ချို့ကလေးတွေ ဆင်မဲကြီးတွေမြင်လို့ အော်ငိုတာတွေ့ရင် ငယ်ငယ်က ကလေးဘဝကိုတွေးမိပြီး ပြုံးမိနေတုန်းပဲ။ အဲ့ဒီဆင်မဲကြီးတွေအတွက် ပြိုင်ပွဲဆိုတာမရှိဘူး။ သူတို့က ပွဲတော်မှာ အပျော်ကကြတာ။ ပြည်လုံးနိုင်ရပ်က နာဠာဂီရိ စုကြီးရပ်က မြူး ကံဦးရပ်က မသိဘူးမူးနေတယ် ဆိုတဲ့ဆင်ကြီးတွေလို ဆင်တွေက ဆင်လှူပွဲမှာ မူးမယ် ကမယ် ကဲမယ် ပြီးရင် ဆင်ကြီးကို တစ်စစီဖြစ်ပြီး ပျက်စီးသွားတဲ့အထိ ပျော်ကြတယ်။ နောက်ဆုံးအဲ့ဒီဆင်မဲကြီးတွေရဲ့ သွားရာလမ်းက မင်းရဲမြောင်းထဲပဲ။ စုတ်ပျက်သွားတဲ့ ဆင်တွေကို ညာသံပေးပြီး မြောင်းထဲကို ပစ်ချပစ်လိုက်ကြတယ်။ ပြီးတော့ ဆင်မပါတော့ဘဲ လူတွေချည်း ဆက်ပြီးကကြတယ်။ တစ်ချို့တွေက ဆင်နားရွက်တစ်ဖက်ကို ခေါင်းမှာစည်းထားတယ်။ တစ်ချို့က ဆင်နှာမောင်းကို ခါးမှာချည်ထားကြတယ်။ တစ်ချို့တွေက ဝါးလက်ခုပ်အကျိုးတွေကို တခွက်ခွက်မြည်အောင်တီးပြီး ကကောင်းနေကြတုန်းပဲ။ အဲ့ဒီလို ချစ်စရာကောင်းတာ။ တစ်ခါတစ်လေ ဆင်အကအလှတွေကြည့်နေရင်းက အဲ့ဒီလို မူးတဲ့ ကဲတဲ့ ဆင်ရိုင်းအဖွဲ့တွေကိုမြင်လိုက်ရရင် ဝက်သား ကြက်သားတွေစားနေတုန်း အချဉ်ဟင်းလေး တစ်ဇွန်းလောက် ကောက်သောက်လိုက်ရသလို စိတ်အာရုံကို လန်းဆန်းသွားစေတယ်။ အနော်ရထာမင်းမြတ်ရဲ့ ကျေးဇူးတော်ကြောင့် ဒီမြေဒီရေပေါ်မှာ အေးချမ်းသာယာဝပြောစွာ နေထိုင်နိုင်တယ်ဆိုတဲ့ ယုံကြည်မှုအစွဲက ကျောက်ဆည်နယ်သူနယ်သားတွေရဲ့ နှလုံးသားထဲမှာ ဆေးမင်ထိုးထားသလို ခိုင်မာစွဲထင်နေတုန်းပဲ။ မင်းကြီးရဲ့ သစ္စာတရားကိုလည်းလေးနက်သက်ဝင်ယုံကြည်တယ်။ ရိုးရာအမွေအနှစ်ကိုလည်းချစ်တယ်။ ဆင်ပွဲနီးလာလို့များ အခြားဝေးရပ်တစ်နေရာကို ရောက်နေရင် စိတ်တွေက နေမထိထိုင်မသာဖြစ်လာပြီ။ ကျောက်ဆည်ကိုပြန်ချင်တဲ့စိတ်တွေ ဘယ်လိုမှ ချွန်းအုပ်လို့မရခဲ့ဘူး။ ပွဲတော်ကို မနွှဲပျော်ရမှာ သေမလောက်စိုးထိတ်လာကြတယ်။ ဒီလိုနဲ့ အဝေးရောက်ကျောက်ဆည်သူ ကျောက်ဆည်သားတွေ တစ်နှစ်မှာ တစ်ရက်ကတော့ အမြဲ အိမ်ပြန်ဖြစ်ခဲ့ကြတယ်။ အဲ့ဒီနေ့က နှစဉ် ဆင်ပွဲကျင်းပတဲ့ သီတင်းကျွတ်လဆန်း ၁၄ ရက်နေ့ပဲ။ ဆင်ပွဲပြီးနောက်ရက် သီတင်းကျွတ်လပြည့်နေ့မှာတော့ မြို့သူမြို့သားတွေဟာ အနော်ရထာမင်းမြတ်ရဲ့ကျေးဇူးတရားတွေကိုအောက်မေါ့သတိရပြီး ကျောက်ဆည်တောင်ပေါ်ကမှာ ဆွမ်းတော်ကြီးကပ်လှူပူဇော်ကြပါတယ်။ ရွှေဆင်ရုပ်ငွေဆင်နရုပ်လေးတွေကို ပွေပိုက်ပြီး ရွှေသာလျောင်းစေတီတော်မြတ်ကြီးကို လက်ျာရစ် သုံးပတ်ပတလှည့်ပူဇော်ပြီး ဘုရားမှာ ရွှေဆင် ငွေဆင်ကပ်လှူကြပါတယ်။ ပြုပြုသမျှကုသိုလ်ကောင်းမှုအစုစုတို့ကို အနော်ရထာမင်းကြီးနဲ့ ဆင်မယဉ်သာတို့ကို ရည်စူးပြီး အမျှအတန်းပေးဝေကြပါတယ်။ ၁၉၂၅ ကစပြီး ဆင်ထဲလူတွေဝင်ပြီး အိုးစည်ဗုံမောင်းတွေနဲ့ကခုန်ခဲ့တာ နှစ်ပေါင်း ၉၀ ကျော်ပြီ။ ထမ်းဆင်ကတော့ နှစ်ပေါင်း ၁၄၀ ကျော်သွားပြီ။ ရွှေသာလျောင်းတောင်ရဲ့ အရှေ့မြောက်ဘက်မှာ ထန်းဇင်တော်ရွာဆိုတာရှိတယ်။ အဲ့ဒီရွာလေးက လူတွေက ဘုရင်ရဲ့ ထမ်းဆင်တင်ထားတဲ့ ထမ်းစင်တော်ကို ထမ်းပိုးရတယ်။ နောက်တော့ အချိန်ကာလပွတ်တိုက်မှုတွေကြောင့် ထမ်းစင်တော်ကနေ ထန်းဇင်တော်ရွာဆိုပြီးဖြစ်သွားတယ်။ ကျွန်တော့်အဖွားက အဲ့ဒီရွာသူ။ အဲ့ဒီရွာက ရွှေဇင်မောင်ဆိုတဲ့ ရိုးရာ ဆင်တစ်ကောင်ပေါ်ထွက်လာတယ်။ အဲ့ဒီရွှေဇင်မောင်ဆင်အဖွဲ့ ဆင်ပွဲမှာ ပြိုင်ပွဲဝင်မယ်ဆိုရင် နှစ်တိုင်း မြို့က ကျွန်တော်တို့အိမ်မှာ တီးလုံးတိုက်ကြ စားကြသောက်ကြ ဆိုကြကကြနဲ့ တစ်ပျော်တစ်ပါးကြီး။ မနက်ခင်းကို အိမ်မှာ လမိုင်းတင် စတော်တိုက်ပြီးမှ ပြိုင်ပွဲသွားပြိုင်ကြတယ်။ ခုတော့ ရွှေဇင်မောင်ရဲ့ အမွေကိုဆက်ခံလိုက်တဲ့ ကိုစိုးရွှေက ရိုးရာရွှေဇင်မောင်ကို ဘော်ကြယ်အလှဆင်အဖြစ်နဲ့ အသွင်သစ်စေခဲ့ပြီး ပြည်သူနှစ်ခြိုက်သဘောကျတဲ့ အလှဆင်တစ်ကောင်ဖြစ်စေခဲ့ပြီ။ ဒီနှစ်မှာ ဆင်ပွဲတော် အဆင့်ဆင့်ပြောင်းလဲလာတဲ့ သမိုင်းကို ထမ်းဆင် မြေနင်းဆင် ရိုးရာဆင် ဘော်ကြယ်ဆင်တွေနဲ့ သရုပ်ပြတင်ဆက်ရင်းပြိုင်ပွဲဝင်ပါလိမ့်မယ်။ တကယ့်ကို ကျေနပ်အားရစရာပင်။ ထမ်းဆင် ကနေ မြေနင်းဆင်။ မြေနင်းဆင်ကနေမှ ခေါင်းတွေ ခြေတွေ လက်တွေ နှာမောင်းတွေ လှုပ်လို့ရတဲ့ရိုးရာဆင်ဖြစ်လာတယ်။ မြေနင်းဆင်က ခေါင်းလည်းလှုပ်မရ ခြေလည်းလှုပ်မရဘူး။ တောင့်တောင့်ကြီး။ အဲ့ဒီအထဲကိုလူဝင်ပြီး တောင်ပေါ်ကိုတက်ရတာ။ အဲ့ဒီလိုတက်ရင်းနဲ့ လှေကားမှာခြေချော်ကျတော့ ဆင်ကြီးက ဘုန်းဆိုပစ်လဲကျသွားတယ်။ ဆင်ရုပ်ကြီးက ခေါင်းပြုတ်ထွက်သွားပြီး ခေါင်းတစ်ခြား ကိုယ်တစ်ခြားဖြစ်သွားကြတယ်။ လူတွေက အဲ့ဒီအဖြစ်ကိုမြင်ပြီး တဝါးဝါးနဲ့ ပွဲကျသွားပြီးဝိုင်းဟားကြတယ်။ ဒီအဖြစ်ကိုကြည့်ပြီး မရယ်နိုင်တဲ့သူ တစ်ဦးပဲရှိတယ်။ အဲ့ဒီလူက ဒီဆင်ရုပ်ကြီးကိုချိုးပေးတဲ့ ပညာရှင် ဆရာငယ်ပဲ။ သူက ခေါင်းတစ်ခြား ကိုယ်တစ်ခြား ဖြစ်သွားတဲ့ဆင်ရုပ်ကြီးကို တွေတွေကြီးကြည့်နေတယ်။ ကြည့်ရင်းနဲ့ သူ့မျက်နှာပေါ်မှာ အပြုံးရိပ်တွေ တဖျက်ဖျက် လူးလွန့်တောက်ပလာတယ်။ အဲ့ဒါက ခေါင်းတွေ ခြေတွေ လက်တွေ လှုပ့်ပြီး ကလို့ရတဲ့ ဆင်တစ်ကောင်ကို တီထွင်ဆန်းသစ်လ်ု့ရပြီဆိုတာကိုသူသိလိုက်တယ်။ ဆင်တစ်ကောင်ကိုခြယ်သဖို့ဆိုတာ ခုခေတ်လို ဆေးတွေရှိသေးတာမဟုတ်ဘူး။ ရေနံဆီမီးခွက်လေးကိုထွန်း။ အပေါ်ကနေ လင်ပန်းကြီးကြီးတစ်ချပ်နဲ့ ထွက်လာတဲ့ မှိုင်းတွေကို အုပ်ခံယူ။ ပြီးမှ အဲ့ဒီမှိုင်းတွေကိုခြစ်ယူပြီး ဒီဇယ်နဲ အချိုးကျ သမအောင်ရောမွှေ။ အဲ့ဒါက ဆေးအနက်ပဲ။ နက်မှောင်နေတဲ့ အရောင်တော့မရဘူးပေါ့။ မီးခိုးသားရောင်ရောစပ်နေတဲ့ ခပ်မှိန်မှိန်အနက်ရောင်မျိုး။ အဲ့ဒီဆေးနဲ့ ဆင်တစ်ကောင်လုံးကို သုတ်။ ပြီးမှ အုတ်နီခဲကို အမှုန့်ထောင်းတဲ့ဟာကို ရေနဲ့ဖျော်စပ်ထားတဲ့ အညိုရောင်ဆေးကို ဆင်ပေါ်မှာ လိုချင်တဲ့ ကနုတ်ကောက်ကြောင်းတွေခြယ်သပြီး ရိုးရာဆင်ကို စထွင်ခဲ့တော့တယ်။ ဆင်အပ်တဲ့သူတွေက ကိုယ့်ဆင်ရပြီဆိုရင် ဆင်ချိုးပညာရှင်ဆီမှာ ကန်တော့ပွဲပေးပြီး ဆင်ယူရတယ်။ လမိုင်းတင်ရတယ်။ ကန်တော့ပွဲ သုံးပွဲပေးကြရတယ်။ ဘုရားပွဲတစ်ပွဲ ဆင်တွေကိုနိုင်နင်းတဲ့ ဥတေနမင်းအတွက်တစ်ပွဲ ကိုးမြို့ ကိုးခရိုင်အပိုင်စားတော်မူတဲ့ ကိုးသိန်းရှင်အဖေကြီးအတွက်တစ်ပွဲ သုံးပွဲပေးကြရတယ်။ ကန်တော့ပွဲတစ်ပွဲမှာ အုံးသီးတစ်လုံးနဲ့ ငှက်ပျောဖီးလသုံးဖီးပါရတယ်။ ကွမ်း ဆေး ဆီမီး နံသာံတိုင် ကပ်လှူပုဇော်ရတယ်။ ဘုရားပင့် နတ်ပင့် ဆင်ကြိမ်း လေးခင်းတွေနဲ့ ကပြပြီးမှ ဆင်ကိုယူကြရတယ်။ '' ငါဟဲ့ယောက်ျား . . . . . မတစ်ထောင်တစ်ကောင်ဘွား ဆင်ပြောင်ငါးစီး အားမာန်ကြီးတဲ့ ဆက္ကနွယ်ဝင်ဆင်မင်း အမှန်ပင် ဖြစ်တော့သကိုး . . . . .'' ဆိုပြီး ဆင်ရိုင်းကြီးကမုန်ယိုနေတဲ့ ပုံသဏ္ဍန်နဲ့ မြေပြင်ကို ခြေဆောင့်ပြီး ဆင်ဦးစီးကို ကြိမ်းဝါးလိုက်တယ်။ ဆင်ဦးစီးက ဆင်ရိုင်းကြီးကို လက်ညှိုးငေါက်ငေါက်ပြန်ထိုးပြီး '' တောရိုင်းဆင်မင်း ဒင်းလျှင်မုန်ယို ရိုင်းဆိုသမျှ စွယ်ပေါက် စွယ်ဟိုင်း စွယ်စုံရိုင်းမို့ ခေါ်တိုင်းရအောင် မာန်ဆောင်ကာထိုး အကျိုးကိုဖျက် ရှပ်လျက်ခွာရာ ပေးတာကတစ်မျိုး သံဆိုးနဲ့အော် ဒင်းနော်လူ့ရွာ ကောင်းရာတစ်ခု ဘယ်မပြုဘူး ဆင်မိုက် ဆင်ဆိုး ဆင်ခြပိုးထိုးကို အပိုးမကျိုး တွေ့ရာကိုနင်း အခင်းကိုဖျက် ယာလည်းပျက်မို့ အခက်နဲ့ကြုံ မြိုင်ရဂုံဝယ် ချမ်းအေးလူလူ မရှိမူပဲ တစသုတ်သန် ဖြစ်နေပြန်တော့သကိုး'' ဆင်သရမ်းနဲ့လူကြမ်း လူကြမ်းနဲ့ဆင်သရမ်း တစ်ယောက်နဲ့တစ်ယောက် အပြန်အလှန် ရန်ဆောင်နေကြတဲ့ပုံစံမျိုးက တကယ့်ကိုရင်သပ်ရှူ့မောစရာ ဆင်ဦးစီးက လှံတံကို မြေမှာတဒုန်းဒုန်းဆောင့်ရင်း ဆက်ကြိမ်းပြန်တယ်။ ''ထိုထိုဆင်မင်း အခုမယွင်းမြန်မကြာ ပြည်မြန်မာကောင်းကျိုး သယ်ပိုးကာဆောင်ရွက်စေဖို့ ကျွန်ုပ်တစ်ခါဖမ်းပါတော့မယ် ရွာစားကျော် ဝိုင်းတော်သားတို့က လေးလုံးသံခြောက်ပေါက်နဲ့ ဘယ် . . . ဘယ်မြှောက်လို့ပေး'' ဆိုတဲ့ ဆင်ဦးစီးရဲ့ ကြိမ်းမောင်းငံနဲ့အတူ ရွာစားကျော် ဝိုင်းတော်သားတွေက လေးခင်းသံ ခပ်ကြမ်းကြမ်းလေးတီးပေးရတယ်။ ဆင်ဖမ်းတဲ့ မုဆိုးက သူ့လက်ထဲမှာ လက်စွဲလှံရှည်ကိုမြဲမြဲကိုင်ထားပြီး ဆင်ကို တိုက်ခိုက်ဖမ်းစီးရတယ်။ ဆင်ကရှောင်လိုက်တိမ်းလိုက် လူကိုအကဲစမ်းလိုက် လူကရှောင်လိုက်တိမ်းလိုက် ဆင်ကို လှံနဲ့ထိုး ချွန်းနဲ့စိုက်ပြီး နောက်ဆုံးမှာ ကြမ်းရမ်းခက်ထန်တဲ့ ဆင်ဆိုးကြီးကို အသိညဏ်ရှိတဲ့လူက လိမ္မာပါးနပ်စွာနဲ့ အနိုင်ယူပြလိုက်တဲ့ ကကွက်ဖြစ်တယ်။ အဲ့ဒီဆင်ကြီးကိုမိပြီဆိုတာနဲ့ ' သာလျောင်းတောင်ခြေ ' အစချီပြီး ဟေ့ဟေ့ ဟေ့ဟေ့ ဆိုပြီး သံပြိုင်လေးနဲ့ အရိုင်အကကို ကကြတယ်။ ရိုင်းနေတဲ့ ဆင်ကြီးကို လိမ္မာလာအောင် ခြေတွေ လက်တွေကို လှံဖျားလေးနဲ့ ထိုးထိုးပြီး လှုပ်ရှားစေတယ်။ဆင်ရဲ့ခြေတွေလက်တွေလှုပ်လာတယ်။ စွယ်ဖုံးတို့ နှာရင်းတို့ကို လှံဖျားနဲ့ထိုးထိုးပြး ဦးခေါင်းကို လှုပ်ရှားစေတယ်။ ခေါင်းလှုပ် ခြေလှုပ်နဲ့ ဆင်ကြီးက ဆင်အကကို ကတတ်လာအောင် လေ့ကျင့်သင်ကြားပေးရင်း ဗုံထောက်လေးနဲ့ကပြရတယ်။ '' မြို့ရွှေဆည် ဌာနေအလှ ကမ္ဘာတိုင်းမက ထင်ပေါ် ဆင်တော်အကရွှင်ပျော် ပေါင်းစည်းကာဆင်နွှဲ ဆင်လှူပွဲ ယနေ့တိုင်တိုင် သြော်တူပြိုင်နွှဲကြ မြဲခိုင်ခိုင် ယနေ့တိုင်ကျော်ကြား . . . မြို့ရွှေဆည်သဘာဝအလှ ကမ္ဘာကလိုက်မမီ (ဆင်အကအလှ ယှဉ်ပြိုင်သည် ကိုးမြေuမဟီအမွေခံပွဲ)၂ (နိုင်နိုင်ရှုံးရှုံး ယှဉ်ပြိုင်နေမည် နှလုံးသားများလှစေချင်သည်) အရှုံးအနိုင်သည်သဘာဝပဲ (ရွှေချိုင်းမောင်တို့)၂ ပါဝင်နွှဲ . . . . . . '' အဲ့ဒီလိုဗုံထောက်သီချင်းလေးတွေနဲ့ သီဆိုကပြကြရတယ်။ဒီဗုံထောက် သီချင်းက မနှစ်ကဆင်ပြိုင်ပွဲမှာ ယှဉ်ပြိုင်သွားတဲ့ ရွှေချိုင်းမောင် ဆင်အဖွဲ့ရဲ့ဗုံထောက်လေးပါ။ အနုရုဒ္ဓါ ရဲ့ ဆင်လှူပွဲတော် ဘုရားကန်တော့၊ နတ်ပင့်၊ ဆင်ကြိမ်း၊ လေးခင်း၊ အရိုင်အက၊ ရိုးရာဗုံထောက် ဆိုတာတွေဟာ ဆင်အကရဲ့ သမားစဉ်တွေပဲဖြစ်ပါတယ်။ ဆင်ပြိုင်ပွဲဝင်ရာမှာလည်း ဒီသမားစဉ်အတိုင်း ကပြယှဉ်ပြိုင်ကြရတာပါ။ ဒီသမားစဉ်အကကို ယှဉ်ပြိုင်ပြီးမှ ခေတ်စမ်းအကကို စိတ်ကြိုက် ကကြိုးကကွက် အဆို အတီး ကြိုက်နှစ်သက်သလို တီထွင်ဆန်းသစ်ပြီး ကပြယှဉ်ပြိုင်ကြရတာပါ။ တကယ်တော့ ခေတ်ဆန်းအကဆို ကျောက်ဆည်ရိုးရာထဲမှာမပါခဲ့ပါဘူး။ ဘော်ကြယ်ဆင်ဆိုတာလည်း ကျောက်ဆည်က စတင်ခဲ့တာမဟုတ်ခဲ့ပါဘူး။ ခတ်ဆန်းအကကို ဘော်ကြယ်ဆင်နဲ့ စတင်ပြီးကပြခဲ့ကြတာ မန္တလေးကပါ။ ၁၉၇၀ မှာ မန္တလေး တမာကုန်းရပ်ကွက်ကနေ ကျောက်ဆည်က ဆင်ချိုးပညာရှင်ကြီး ဦးကျော်လေးထံမှာ ရွှေချည်ငွေချည်ထိုးတွေပါတဲ့ ဘော်ကြယ်ဆင်တစ်ကောင်ကို ချိုးပေးဖို့လာအပ်ပါတယ်။ ဦးကျော်လေးက ၃၅၀၀ ကျပ်နဲ့ ဘော်ကြယ်ဆင်ကို ရတနာမင်းအမည်နဲ့ ချိုးပေးခဲ့ပါတယ်။ ဆင်ရပြီဆိုတော့ မန္တလေးကအဖွဲ့တွေက ဆင်ချိုးပညာရှင်ဦးကျော်လေးဆီကို ဆင်လာယူကြပါတယ်။ ဆင်လာယူတဲ့အခါမှာ ကျောက်ဆည်ဆင်တွေရဲ့ ဓလေ့ထုံးစံတွေအတိုင်း ယူခဲ့ပေမယ့် ကျောက်ဆည်ဆင်အကသမားစဉ်တွေကို ကပြနိုင်ခြင်းမရှိခဲ့ပါဘူး။ ရတနာမင်းဆင်အဖွဲ့က နတ်ဆိုင်းတီးပြီးတော့ပဲ ဆင်ယူခဲ့ရပါတယ်။ ကျောက်ဆည်ဆင်တွေက ဒိုးပတ်ဝိုင်းနဲ့ ဆင်ကကြတဲ့အချိန်မှာ မန္တလေး တမာကုန်းရပ်က ရတနာမင်းဆင်က ခြောက်လုံးပတ်နဲ မင်းသားအက မင်းသမီးအကတွေကို စည်းချက်ညီညီ ဝါးချက်ညီညီ ဘယ်ခြေညာလက်နဲ့ လှလှပပကပြသွားခဲ့ပါတယ်။ အဲ့ဒီအကကို နှစ်သက်သဘောကျသွားတဲ့ ဆရာကြီးဦးကျော်လေးက ရတနာမင်းဆင်ကိုငှားပြီး ကျောက်ဆည်တပေါင်းပွဲတော်ကြီးမှာ ရုံသွင်းပြီး ကပြခဲ့ရမှာ ပရိသတ်အလွန်အမင်းနှစ်ခြိုက်သဘောကျပြီး ရုံပြည့်ရုံလျှံအားပေးခဲ့ကြတယ်။ အပြိုင်ကနေတဲ့ရွှေနန်းတင်ဇာတ်အဖွဲ့မှာ ကြည့်မယ့်သူမရှိတော့တာကြောင့် နောက်ရက်မှာ ဆင်အဖွဲ့ဆက်မကဖို့ လာရောက်မေတ္တာရပ်ခံပန်ကြားရတဲ့အထိဖြစ်ခဲ့ရတယ်။ အဲ့ဒီနောက်မှာ ရတနာမင်းဆင်အဖွဲ့ဆီကနေ ကျောက်ဆည်မြို့ မုန့်ပေါင်းကျေးရွာက ရတနာဦးဆင်အဖွဲ့နဲ ထန်းဇင်တော်ရွာက ရွှေဇင်မောင်ဆင်အဖွဲ့တို့ဟာ တပည့်ခံပြီး ခေတ်ဆန်းဆင်အကကို ဆက်ခံသင်ယူခဲ့ကြတယ်။ အဲ့ဒီနောက်မှာတော့ ရွှေဝါမောင်၊ ဧရာမင်း၊ သီရိရတနာ၊ လှရတနာ ဆင်အဖွဲ့တွေက ခေတ်ဆန်းအကကို လက်ဆင့်ကမ်းဆက်လက်သင်ယူခဲ့ကြပြီး အခုအခါမာတော့ ဆင်အကပညာရပ်ဟာ တီထွင်ဆန်းသစ်မှုကကွက်အသစ်တွေနဲ့ ကျောက်ဆည်ရဲ့ trade mark တစ်ခုလိုဖြစ်လာခဲ့ရပါတယ်။ ပန်းမြိုင်လယ် ယိုးဒယားအက၊ ခုနှစ်ထွေအကတို့ဟာ ဆင်အကပညာရဲ့ ခက်ခဲနက်နဲလှတဲ့ကကွက်တွေဖြစ်ပါတယ်။ လကတော့ အရုပ်နဲ့တူရမယ် အရုပ်ကတော့ လူနဲ့တူရမယ်ဆိုသလို ဆင်ရုပ်ကြီးက တကယ့်လူမင်းသား မင်းသမီးတွေနဲ့မခြား ကပြနိုင်ခဲ့ပါတယ်။ နောက်ပိုင်းမှာ လှပတဲ့ ကကွက်တွေအပြင် ရင်သပ်ရှုမောဖွယ်ရာကောင်းတဲ့ ကကွက်တွေကိုပါ တီထွင်လာခဲ့ကြပြန်တယ်။ တီထွင်ဆန်းသစ်ပြီး နာမည်ကြီးခဲ့တာကတော့ ရွှေဝါမောင်ရဲ့ ပန်းကန်ပြားပျံအက ရတနာဦးရဲ့ ဦးရွှေရိုးထီးက၊ ဧရာမင်းရဲ့ ပီပါအက၊ ရွှေမိုးထောင်ရဲ့ မိုးထိအောင်လှေကားထောင်အက မိုးဇော်ရဲ့ ဆုံလည်အက တို့ဖြစ်ပါတယ်။ အခုနောက်ဆုံးမှာ ဧရာမောင်ဆင်အဖွဲ့က တန်းလျှောက်မီးကွင်းအကနဲ့ 2017 Myanmar's got talent winner ကို ရရှိခဲ့ပါတယ်။ ကျောက်ဆည်ဆင်အဖွဲ့တွေဟာ ဆင်ပြိုင်ပွဲရောက်မှ ကပြတာမဟုတ်ဘဲ အလှူမင်္ဂလာပွဲတွေ ဂုဏ်ပြုပွဲတွေ ဘာသာရေးပွဲတွေ နိုင်ငံတော်အဆင့် ဧည့်ခံပွဲတွေမှာလည်း ဝင်ရောက်ကပြခဲ့ရပါတယ်။ နိုင်ငံတကာ ရိုးရာယဉ်ကျေးမှုပွဲတော်တွေမှာဆိုရင်လည်း ကျောက်ဆည်ဆင်အဖွဲ့တွေဟာ မြန်မာနိုင်ငံကို ကိုယ်စားပြုပြီး နိုငငံရဲ့ရိုးရာယဉ်ကျေးမှုတစ်ရပ်အနေနဲ့ဝင်ရောက်ယှဉ်ပြိုင်ကြရတဲ့အထိ ကျောက်ဆည်ဆင်အကဟာကမ္ဘာ့အလည်မှာပါ ဝံ့ကြွားစွာ ရပ်တည်နိုင်ခဲ့ပါတယ်။ ဆင်ပြိုင်ပွဲမှာ ရိုးရာအငယ်တန်း(ကလေးဆင်)၊ ရိုးရာအကြီးတန်း၊ ဘော်ကြယ်တန်းဆိုပြီး သုံးမျိုးသုံးစားခွဲခြားပြီး အတန်းသုံးတန်း ယှဉ်ပြိုင်ကြရပါတယ်။ ဒီနှစ်မှာတော့ ရိုးရာအငယ်တန်းမှာ စာရင်းပေးထားတာ မင်းဇာနည်၊ ခန့်မှူးပိုင်၊ မင်းကျန်စစ်၊ မျိုးချစ်ရင်သွေး ဆိုပြီး ကလေးဆင် (၄)စီး စာရင်းပေးသွင်းထားပါတယ်။ ရိုးရာအကြီးတန်းမှာ ပိတောက်မြိုင်၊ လှယဉ်ကျေး၊ မျိုးဆက်သစ်၊ လှဂုဏ်ရောင်၊ ရွှေချိုင်းမောင်၊ မြင်စိုင်းဇာနည်၊ မင်းရွှေဆည်၊ ရွှေမောင်မောင်၊ ဒို့မဟာ၊ လှရွှေဆည်၊ ဇာနည်ဘွား၊ ဂရုဏာရှင်၊ ပဏ်၊ မင်းမြန်မာ၊ ဇင်လင်းဖြိုး၊ နောက်တိုး ဆိုပြီး ဆင် (၁၆) စီး စာရင်းပေးသွင်းထားပါတယ်။ ဒီနှစ်အတွက် ဘော်ကြယ်တန်းမှာတော့ ပြိုင်ပွဲအတွက် စာရင်းပေးသွင်းထားတာ (၃) စီးသာရှိပါတယ်။ ရွှေဇင်မောင်၊ ညဏ်လင်းထက်နဲ့ ဧရာမိုး ဆင်အဖွဲ့တွေပါ။ အတန်းသုံးတန်းအတွက် စုစုပေါင်း ဆင်အဖွဲ့ (၂၆)ဖွဲ့ ပါဝင်ယှဉ်ပြိုင်ကြဖို့ စာရင်းပေးသွင်းထားပါတယ်။ ဒါကယှဉ်ပြိုင်မယ့် ဆင်အဖွဲ့တွေရဲ့စာရင်းပါ။ ဆင်ပွဲတော်ကြီးမှာ မယှဉ်ပြိုင်ဘဲ ဝင်ရောက်ဆင်နွှဲကြမယ့် ဆင်အဖွဲ့တွေကတော့ ခန့်မှန်းခြေ ဒီနှစ်မှာ ဆင်အဖွဲ့ ၅၀ ကျော်ပါဝင်ဆင်နွှဲလာနိုင်ပါတယ်။မိုးဇော်၊ ကေသီဦး၊ ဧရာမောင် အစရှိတဲ့ ဆင်အဖွဲ့တွေက ပြိုင်ပွဲမဝင်တော့ဘဲ ဆင်ပွဲတော်လာ ဧည့်ပရိတ်သတ်များကို နိုင်ငံကျော်တေးသံရှင်များနဲ့တွဲဖက်ပြီး ဧည့်ခံကြပါတယ်။ ရွှေသာလျောင်းတောင်ထိပ်ကနေ ဆင်မတဟဲလို့အဆိုရှိပါတယ်။ တောင်ထိပ်ကနေ ဆင်မယဉ်သာ ဟဲလိုက်တဲ့အသံကို ကြားရတဲ့ ရွာတိုင်း ရွာတိုင်းက ဒီပွဲတော်ကြီးကိုလာရောက်ဆင်နွှဲကြရပါတယ်။ ကလေး လူငယ် လူကြီးမကျန် ပါဝင်ဆင်နွှဲကြသလို ရပ်ဝေး ရပ်နီးမှလည်း လာရောက်လည်ပတ်ကြတယ်။ သတင်းကျွတ်ဆင်လှူပွဲတော်ကြီးကို နိုင်ငံခြားသား ဧည့်သည်တော် အတော်များများက စိတ်ဝင်တစားနဲ့ လာရောက်ပြီး မှတ်တမ်းတင်လေ့လာလေ့ရှိတယ်။ တစ်နှစ်ထက်တစ်နှစ် ပိုမိုစည်ကားလာတဲ့ကျောက်ဆည်ဆင်လှူပွဲတော်ကြီးမှာ ဆင်တစ်ကောင်ပြိုင်ပွဲဝင်နိုင်ဖို့ဆိုတာမလွယ်လှပါဘူး။ အချိန်တွေ လူအင်အားတွေ ငွေတွေ ပညာရှင်တွေ အများကြီးရင်းရပါတယ်။ဒီနှစ်ဆို မြင့်တက်လာတဲ့ စရိတ်စကတွေကြောင့် ဆင်တစ်ဖွဲ့ရဲ့ ပြိုင်ပွဲဝင်ကုန်ကျစရိတ်ဟာ သိန်း ၅၀ ရဲ့ အထက်မှာရှိနေပါတယ်။ ဆင်​အသစ်​.... ၁၀သိန်း ဆင်​ဦးစီး.... ၂သိန်း၁သောင်း ဒိုး၊နှဲလင်းကွင်း.. ၁၃သိန်း ပြိုင်ပွဲဝင်သီချင်းရေးသားခ. ၁သိန်း ဆင်​ကြိမ်း၊မုဆိုး. ၃သိန်း ၀ါးတီး........ ၂သိန်း ပြိုင်​ပွဲအဆို... ၄သိန်း ပြိုင်​ပွဲအ၀တ်​စား. ၈သိန်း(လူ၈၀အတွက်​) KB.... ၂သိန်း Drum.... ၁ သိန်း၅သောင်း ဂစ်​တာ၊လိစ်​.. ၃သိန်း ​ခြောက်​လုံးပတ်​.. ၁သိန်း၂သောင်း ဆိုင်းဝိုင်း.... ၂သိန်း ​လေမှုတ်​..... ၁သိန်း၆သောင်း အဆို ၆ ​ယောက်​. ၂၀သိန်း ​ဆောင်း​ဘောက်​.. ၈သိန်း ဆင်​အက....... ၈သိန်း အလှဆင်​မီး... ၃သိန်း ကား(၆)စီး... ၇သိန်း စားစရတ်​.... ၅သိန်း ဒါကတော့ ဒီနှစ်အတွက် ပထမဆု မျှော်မှန်းပြီး အကောင်းဆုံးပြင်ဆင်ထားတဲ့ ရွှေဇင်မောင်ဆင်အဖွဲ့ရဲ့ ကုန်ကျစရိတ်ဖြစ်ပါတယ်။ ဒိုး နှဲ လင်းကွင်းက နိုင်ငံကျော် ရွှေတံဆိပ်ဆုရှင်တွေ ဖြစ်သလို ဝါးတီးကအစ နာမည်ရှိ ဘိသိတ်ဆရာတွေပါဝင်တီးကြမှာလို့ဆိုပါတယ်။ အဆိုရှင်တွေကလည်း နာမည်ကျော်တေးငံရှင်များ ဖြစ်တယ်လို့ပြောပါတယ်။ဒီနှစ်မှာ ထူးထူးခြားခြားအနေနဲ့ ရွှေဇင်မောင်ဆင်အဖွဲ့က ဆင်ပွဲတော်အဆင့်ဆင့်ပြောင်းလဲဖြစ်ပေါ်လာတဲ့ သမိုင်ကြောင်းကိုပါ ဆင်အင်အား လူအင်အားအပြည့်နဲ့ သရုပ်ပြဖျော်ဖြေတင်ဆက်ပေးသွားမှာလို့လည်းသိရပါတယ်။ ပြိုင်ပွဲဝင်ဆင်တွေက ကျောက်ဆည်မြို့မဈေးကြီးကို သုံးပတ်ပြည့်အောင်ပတ်ရပါတယ်။ ဈေးက ဘုရားပိုင် ဝတ္တကမြေဖြစ်တာကြောင့်လို့ဆိုပါတယ်။ အဲ့ဒီလို ဈေးကို တစ်ပတ်ပတ်ပြီးတိုင်း ဈေးထိပ်မှာရှိနေတဲ့ ဘုရားကို ဦးတိုက်ရပါတယ်။ သုံးကြိမ်ပတ်ပြီး သုံးကြိမ်ဦးတိုက်ရခြင်းပါ။ ဈေးပတ်လည်နေရာမှာ အမှတ်ပေးဒိုင် ၁ ၊ ၂၊ ၃၊ ဆိုပြီး ဒိုင်သုံးဒိုင်ကိုနေရာခွဲထားပေးပါတယ်။ ဒိုင်ခုံအမှတ် တစ်ခုစီမှာ သုံးကြိမ်စီပြည့်အောင် ဝင်ရောက်ယှဉ်ပြိုင်ရပါတယ်။ ဒီနောက်ပိုင်းမှာတော့ ဆင်လှူပွဲတော်မှာ ပါဝင်လာတဲ့ ဆင်တွေများပြားလာတာရယ် ဆင်အဖွဲ့တစ်ဖွဲ့မှာ လူအင်အား ၅၀ လောက်နဲ့ မော်တော်ယဉ် ၅ စီး ၆ စီးလောက်ပါလာတတ်ကြတာကြောင့် ဆင်ပြိုင်ပွဲလမ်းကြောင်းကို ပိုမိုချဲ့ထွင်ပေးခဲ့ရပါတယ်။ နာမည်ကြီးဆင်တွေ နိုင်ငံကျော်တေးသံရှင်ဧည့်ခံဖျော်ဖြေတဲ့ ဆင်တွေရှိတဲ့နေရာတွေဆို ရှေ့ကိုတိုးလို့မပေါက်လောက်အောင်ကို လမ်းပိတ်ပိတ်သွားတတ်တယ်။ အဲ့ဒီအတွက် ပြိုင်ပွဲဝင် အမှတ်ပေးခုံဒိုင်တွေကို တစ်နေရာနဲတစ်နေရာ အလှမ်းဝေးအောင် စီစဉ်ဆောင်ရွက်ပေးခဲ့ရပြန်တယ်။ ပြိုင်ပွဲဝင်တဲ့ဆင်တွေကို ဆင်အက တစ်ခုထဲ ကြည့်ပြီးအမှတ်ပေးတာမဟုတ်ပါဘူး။ အဆို အက အရေး အတီး အားလုံးပေါ်ကြည့်ပြီး အမှတ်ပေးတာပါ။ ဆင်အဖွဲ့တွေရဲ့ စည်းကမ်းလိုက်နာမှု တက်ကြွစွာပါဝင်မှု စည်းလုံးညီညွတ်မှုစတဲ့ အချက်တွေကိုပါကြည့်ပြီး အမှတ်ပေးတာပါ။ သီတင်းကျွတ်လဆန်း ၁၄ ရက် မနက် ၇ နာရီက စတင်ဖွင့်လှစ်တဲ့ဆင်ပြိုင်ပွဲတော်ကြီးဟာ တစ်နေကုန် မနားမနေ ယှဉ်ပြိုင်ကြ ပါဝင်ဆင်နွှကြပြီး ညပိုင်း၁၂ နာရီ ၁ ချက်လောက်မှသာ ဆုရရှိတဲ့ ဆုရဆင်တွေရဲ့ အမည်စာရင်းကို ကြေငြာနိုင်ပါတော့တယ်။ ဆုစာရင်းကြေငြာတဲ့အခါမှာလည်း အကယ်ဒမီဆုပေးပွဲလို ဘယ်သူများရလေမလဲလို့ ရင်တထိတ်ထိတ်နဲ့ မျှော်လင့်စောင့်စားကြရပြန်ပါတယ်။ ဆုရတဲ့ ဆင်အဖွဲ့တွေ ပျော်နိုင်ပါးနိုင်ပေမယ့် ဆုမရတဲ့ ဆင်အဖွဲ့တွေကျတော့ ခြေကုန်လက်ပန်းကျ နွမ်းခွေပြီး အိမ်ပြန်ကြရပြန်ပါတယ်။ ဆုရတဲ့ဆင်တွေက ညလုံးပေါက်နီးပါး မြို့ထဲ ပြန်လှည့်လည်ပြီး အောင်ပွဲခံကြပျော်ကြရွှင်ကြနဲ့ အင်မတန်မှကိုကြည်နူးစရာကောင်းပါတယ်။ သီတင်းကျွတ်လပြည့်နေ့ မနက်မှာတော့ မြို့သူမြို့သားတွေ ဆင်အဖွဲ့တွေက ရွှေသာလျောင်းတောင်ထိပ်မှာရှိတဲ့ ရွှေသာလျောင်းစေတီတော်မြတ်ကြီးကို ရွှေဆင်ရုပ် ငွေဆင်ရုပ်တွေကိုပိုက်ပြီး လက်ျာရစ် သုံးပတ်ပတ်ပြီး လှည့်လည်ပူဇော်ကြပါတယ်။ အဲ့ဒီနေ့မှာ ဆွမ်းတော်ကြီးကပ်လှူပူဇော်ပြီး အနော်ရထာမင်းမြတ်နဲ့ ဆင်မယဉ်သာတို့ကို ရည်စူးပြီး ကုသိုလ်ပြု အမျှတမ်းပေးဝေကြပါတော့တယ်။ ကျောက်ဆည်မြို့ကို တစ်ခေါက်တစ်ခါ အရောက်လာခဲ့ပါနော် (အရောက်လာခဲ့ပါနော်) ပျော်ရွှင်စရာပွဲတော်ကြီးကိ နွှဲပျော်ကြမယ်နော်(နွှဲပျော်ကြမယ်နော်) ရိုးရာမပျက် ဆင်လှူပွဲတော် ဆင်နွှဲကြမယ်နော် (ဆင်နွှဲကြမယ်နော်) ပျော်ကြ ရွှင်ကြ ဆင်လှူပွဲတော် ကာတွန်းဖောင်းဖောင်း လိုအပ်သည့် အချက်အလက်များကို ကူညီပေးသော ဦးဝင်းတင်(ဧရာမောင်ဆင်အဖွဲ့ခေါင်းဆောင်)၊ ဦးကျော်သန်း (မောင်ခိုင်ကျော်၊ကျောက်ဆည်- မြို့နယ်စာရေးဆရာအသင်း ဥက္ကဋ္ဌ)၊ ဦးစိုးရွှေ ( ရွှေဇင်မောင်ဆင်အဖွဲ့ခေါင်းဆောင်) တို့အား ကျေးဇူးတင်ရှိပါသည်။ မှီငြမ်း ၁။ ရွှေမုဌော၊ ရွှေသာလျှောင်း၊ မဟာမြတ်လေးဆူဘုရားသမိုင်း - ( ကျောက်ဆည်ဦးငြိမ်းမောင် ) ၂။ မြန်မာ့ဆင်ရုပ်ချိုးအနုပညာ - ( မောင်ရည်စိုးကျောက်ဆည် ) ၃ ကျောက်ဆည်သမိုင်း အသံသွင်းတိပ်ခွေ - ( ဆရာကြီးဦးသိန်း )